Форум сайта «Глобус Беларуси»

[Zmicier]

У вёсцы Грозава Капыльскага раёна калісьці пачынаўся Слуцкі збройны чын, фармаваўся 2-гі Грозаўскі полк.

Але тут больш памятаюць гісторыю Другой сусветнай, і мала хто ўяўляе, што іх аднавяскоўцы ў 1920 г. актыўна аказвалі супраціў бальшавікам.

Калі спусціцца бліжэй да ракі, можна ўбачыць вялікі двухпавярховы белы будынак

з пустымі аканіцамі і ўжо дзіравым дахам.
Гэта палац Мержаеўскіх, пабудаваны ў другой палове XVIII ст. у стылі класіцызму. Ён мае сіметрычную планіроўку, і ягоная кампазіцыя вылучаецца чатырохкалонным порцікам на галоўным фасадзе. Ля будынка захаваліся рэшткі парку.

Гісторыя гэтага палаца — тыповая для беларускіх мястэчак.
Звычайна пасля рэвалюцыі ў раскошных шляхетных маёнтках размяшчалі шпіталі, інтэрнаты альбо адміністрацыю калгасаў. У Грозаве ў панскім палацы ў 1970-х гг. адкрылі школу. Пасля распаду СССР будынак пуставаў і на вачах прыходзіў у занядбанне.

Паўгода таму яго выкупіла салігорскае прадпрыемства «Даўмонт».
Па словах дырэктара Івана Далматовіча,

да палаца прыглядаліся даўно – тут жа, у Капыльскім раёне арганізацыя будавала крамы і касцёл, але ўлады спачатку назвалі занадта вялікую цану за разбураны будынак.
«У нас так часта бывае –

пакуль дом яшчэ ў нармальным стане, заламваюць высокі кошт. А калі ён ужо канчаткова разбураны – хутчэй шукаюць, хто б яго ўзяў ды адрамантаваў»,
– кажа сп. Далматовіч. З палацам Мержаеўскіх так і адбылося.

У пачатку лютага райвыканкам прадаў яго за адну базавую велічыню – усяго 35 тыс. рублёў.
Зараз у Грозаве ідзе актыўнае будаўніцтва. Ужо зроблена праектная дакументацыя, будаўнікі ўмацоўваюць падмурак, цокаль. Па словах дырэктара, палац быў у вельмі запушчаным стане – цяпер трэба мяняць перакрыццё паміж паверхамі, сцены, дах... Да зімы спадзяюцца замяніць пліты ды ўставіць шыбы. Нягледзячы на складанасці з фінансаваннем будаўніцтва ў Беларусі наогул, працу ў Грозаве не спыняюць. Гатэль і рэстаран хочуць адкрыць ужо ў наступным годзе.

«Мы спраектавалі 24 нумары. Большасць з іх па камфорце будзе на ўзроўні трох зорак,
але чатыры нумары будуць звышкамфортныя – класа люкс. У кожным нумары будзе барная стойка, каб можна было пасядзець з сябрамі, выпіць кубак гарбаты. Рэстарацыя змесціць каля 60 наведвальнікаў. У цяперашнім падвале плануем зрабіць вінны склеп», – кажа суразмоўца. Каштарыс праекта складае каля 3 млрд рублёў.

Дырэктар «Даўмонта» – архітэктар паводле адукацыі. Ён часта бывае за мяжой і параўноўвае гістарычныя помнікі Заходняй Еўропы з нашымі. «Пасля 1917 года мы столькі згубілі, што проста ўявіць складана. І зараз гэта аднаўляецца вельмі марудна. Дзяржава не ў стане «падняць» усе помнікі. Рэстаўрацыя ў Міры і Нясвіжы толькі пацвярджае гэта – столькі год працуюць, а ніяк да ладу не давядуць. Гэтым павінны займацца прыватнікі.

Аддайце вы бізнэсоўцам гэтыя сядзібы, спрасціце падаткі і гарантуйце, што дзяржава пакрые 30% выдаткаў рэканструкцыі. І тады ўбачыце, як хутка пачнуць аднаўляць гістарычную спадчыну»,
– кажа ён.

http://nn.by/?c=ar&i=62279

[Leschij87]

Выдатную справу робяць)), але яны ручвюцца за захаванне гістарычнай сапраўднасці)), а то ў Мірскім замку таксама зрабілі гатэль і рэстаран. Гатэль не бачыў, а вось рэстаран убачыў, і больш як та не жадаецца))

[Zmicier]

Гэта прыватная ініцыятыва. Відавочна, што чалавек сапраўды цікавіцца гісторыяй. Будзем спадзявацца, што ўсё атрымаецца ў найлепшым выглядзе.