Форум сайта «Глобус Беларуси»

[korkh]

Дашчэнту згарэла сядзіба О’Руркаў ва Усялюбе
Але нашчадак усё адно не адмаўляецца яе купляць.

8 мая, прыблізна, а 6-й раніцы, у былой сядзібе О’Руркаў, што ва Уселюбе Навагрудскага раёна, пачаўся пажар.


Так сядзіба О'Руркаў ва Уселюбе выглядала яшчэ да пажару. Фота Арцёма Аблажэя.
«Калі мы прыехалі, а 10-й раніцы, сядзіба яшчэ дагарала. —
расказвае дырэктар краязнаўчага музея Тамара Вяршыцкая. — Мы прыехалі туды разам з нашчадкам О’Руркаў, Алегам О’Руркам, які якраз хацеў вярнуць сабе сядзібу «.

Самая верагодная версія здарэння — у былой сядзібе ночылі бамжы, якіх напярэдадні бачылі ў вёсцы.
«У выніку ад сядзібы не засталося нічога. — кажа спадарыня Вяршыцкая. — Ёсць адна сцяна, але з ёй ужо нічога не зробіш. Да драўлянай сядзібы была прыбудавана цагляная частка, сучасная, але і ў яе згарэў дах».

Сядзіба была выстаўленая на аўкцыён, але некалькі гадоў ніхто яе не купляў. Першапачатковы кошт сядзібы складаў $10 тысяч.

Бізнэсовец Алег О’Рурк жыве ў Маскве. Ён лічыць сядзібу ва Уселюбе уласнасцю сваёй сям’і, незаконна адабранай бальшавікамі ў 1939. Таму плаціць нават дзесяць тысяч даляраў за яе нашчадак не збіраўся. «Лепей укласці іх у рэстаўрацыю», — казаў ён. Ведучы перамовы з мясцовай уладай, О’Рурк затрымаўся ў Навагрудскім раёне на дзень пазней, чым меркаваў. У той апошні дзень перабывання, па фатальным збегу абставін, сядзіба і згарэла.

«Цяпер прададуць сядзібу за адну базавую» — пракаментаваў здарэнне О’Рурк.

Ад сваіх намераў вярнуць сядзібу Алег О’Рурк не адмаўляецца і цяпер —
ён хоча цалкам адрэстаўраваць яе, вярнуць першапачатковы выгляд

Чытаць цалкам http://nn.by/?c=ar&i=73183

[korkh]

Особенности историко-культурного наследия

http://www.gazetaby.com/index.php?sn_nid=45576&sn_cat=35

[Mikola]

Наведаўшы першы раз Уселюб недзе ў 2005 годзе акрамя касцёла, стоарых могілак і пахавальні О'Руркаў,я патрапіў у сядзібу, дзе на той час мясціўся ФАП. Звонку - звычайны будынак,але калі разгледзей бліжэй, то ўбачыў скляпеністыя сутарэнні і шыкоўныя коміны і печы.
Другі раз быў я там у 2011. За гэты час каля сядзібы ўзніклі аграгарадскія дамкі, а ФАП не працаваў. Без асабліх першкод праз вакно (пад ім ужо стаялі некалькі цаглін ) я трапіў унутр. Было бачна, штоя тут не першы за апошні час. З комінаў і печак зніклі дзверцы і іншыя элементы, кафлю спрабавалі адламаць. Было відавочна, што гэта толькі пачатак бруднай справы. У той жа дзень наведалі Ружаны, і падумалі, што коміны і печы няблага глядзеліся б у адрэстаўраваным палацавым флігелі. З намі пагадзіўся і дырэктар музея ружанскага палаца, калі паказалі яму здымкі. Ябяцаў хадатайнічаць.
У верасні была "прамая тэлефонная лінія" з міністрам культуры і яго намеснікам Ігарам Чарняўскім па пытаннях аховы помнікаў архітэктуры. Датэлефанаваўшысь, я распавёў пра праблему,што вандалы зробяць сваю чорную справу і гэта пытанне толькі часу. Мне (і гарамадкасці) паабяцалі, што возмуць гэта пытанне пад кантроль і тэрмінова звяжуцца з наваградскім райвыканкамам. І я паверыў ім.
Так я пра што тут? Я пра закон. Хто адкажа за пажар? Хто?

[korkh]

Хто спаліў шляхецкую сядзібу пад Наваградкам?



http://www.svaboda.org/content/transcript/24699270.html