Форум сайта «Глобус Беларуси»

[krytsyk]

Які лёс чакае будынак кляштара кармелітаў у Глыбокім?

У пачатку чэрвеня да нас дайшла неафіцыйная інфармацыя, што ў райвыканкаме абмяркоўвалася пытанне аб будынку кляштара кармелітаў у Глыбокім.

Паводле нашых крыніцаў, гучала прапанова выключыць будынак са спісу гісторыка-культурных каштоўнасцяў, каб у далейшым яго разбурыць.

Вядома, што зараз адбываецца перагляд спісу гісторыка-культурных каштоўнасцяў Рэспублікі Беларусь, накіраваны на яго скарачэнне. Паводле старшыні Беларускага добраахвотнага таварыства аховы помнікаў гісторыі і культуры Антона Астаповіча, паведамленні аб выключэнні аб’ектаў са спісу помнікаў даходзяць да яго амаль кожны дзень.

Тым часам супрацоўніца Глыбоцкага гісторыка-этнаграфічнага музея Ірына Круглая, якая адказвае за захаванне гісторыка-культурных помнікаў у раёне, абвяргае інфармацыю аб выключэнні кляштара кармелітаў са спісу помнікаў.

“Зараз адбываецца вызначэнне балансавай прыналежнасці будынка для ўключэння яго ў план рэстаўрацыйных работ. Спачатку патрэбна будзе зрабіць тэхнічныя дакументы на будынак, вызначыць ступень аварыйнасці, для гэтага будуць прыцягнутыя спецыялісты з Полацкага ўніверсітэта. Потым будзем шукаць, каму перадаць”, - кажа Ірына Круглая.

Канкрэтных планаў аб рэстаўрацыі ці хаця б кансервацыі кляштарнага будынка пакуль няма. Тым часам на будынку кляштара растуць расколіны, ад яго адвальваюцца кавалкі тынкоўкі і цэглы. “Стой! Опасная зона”, - папярэджвае таблічка на кляштары.

На думку краязнаўцы Уладзіміра Скрабатуна, у выпадку аднаўлення кляштара Глыбокае можа атрымаць прывабны турыстычны аб’ект. “Я мару, каб былі адноўленыя ўсе тры карпусы. У кляштары раней была аптэка – можна было б аптэку адкрыць з мясцовымі зёлкамі. Сталоўку кляшторную для турыстаў зрабіць, карцінную галерэю, гатэльчык у манаскіх келлях - для тых, хто жадае, прыехаўшы ў Глыбокае, заначаваць”, - кажа Уладзімір Скрабатун.

Кляштар кармелітаў у Глыбокім
Быў заснаваны паводле фундацыі Язэпа Корсака, падпісанай у 1640 годзе. З’яўляўся важным цэнтрам рэлігійнага, культурнага, грамадскага і гаспадарчага жыцця Глыбокага і наваколля. Пры кляштары дзейнічалі аптэка, школа, прытулак для састарэлых. Кляшторная бібліятэка налічвала ў пачатку ХІХ стагоддзя каля 2 600 тамоў кніг.
Мураваны будынак кляштара, які складаўся з трох двухпавярховых карпусоў, узведзены ў сярэдзіне XVIII стагоддзя. Падчас расійска-французскай вайны 1812 года ў ім спыняўся на тры дні імператар Напалеон Банапарт. У 1862 годзе кляштар быў зачынены царскімі ўладамі, а касцёл у 1867 годзе перададзены Рускай праваслаўнай царкве. Два карпусы кляштара былі разабраныя ў канцы ХІХ – пачатку ХХ стагоддзя, трэці захаваўся да сённяшняга дня.
http://news.tut.by/society/353121.html

[Валерій]

Ўсё пачынаецца як з кляштарам у Смальянах.Выканкамаўскім торбахватам з Глыбокага відаць няма чым іншым заняцца як руйнаваць помнік са славутай гісторыяй,які зараз трывае не самыя лепшыя часы.
Пры камуністых у яго сьценах працавала фабрыка па вытворчасьці кансэрваў.Выкладу фоткі лютага 2011 г.
Насамрэч будынкі у такім стане давесьці да прыстойнага выгляду не самая вялікая праблема,сьцены па 2,5 м вечныя, можа шыфер на даху сарвала крыху.