Форум сайта «Глобус Беларуси»

[В. Сцяпанаў]

Група жыхароў Воршы звярнулася асабіста да А.Г. Лукашэнкі, каб нарэшце была праведзена кансервацыя гістарычнага будынка кляштара базылянаў. Звароты ў іншыя структуры ніякага плёну ў гэтым накірунку не прынеслі. Урэшце з Менску прыйшоў адказ. З яго вынікае, што ліст грамадзянаў, устрывожаных разбурэннем помніка архітэктуры, перададзены ў Міністэрства культуры і кіраўніцтву праваслаўнай царквы ў Беларусі.
http://orshatut.by/2013/05/pryiyshou-adkaz-z-administratsyii-prezidenta-pra-lyos-klyashtara-bazyilyaau/
[/b]

[korkh]

Навошта для кожнага паста рабіць асобную галіну? Па базыліянам іх і так шмат, зручней калі ўся інфармацыя ў адным месцы.

[В. Сцяпанаў]

Гатовы прасіць прабачэння, калі камусьці нязручна чытаць пра развіццё падзей вакол аршанскага кляштара базылянаў у асобных галінах, але мне здаецца, што пакуль будынак яшчэ цэлы, больш важна прыцягваць увагу грамадскасці праз стварэнне асобных галінаў, чымсці пісаць зручную для прачытання гісторыю ягонага знішчэння ў адным месцы.
Больш таго, мне таксама здаецца, што некаторыя крокі аршанцаў цікавыя з кропкі гледжання злабадзеннага вопыту, у якасці ўзору.
Увогуле, вельмі прыкра чытаць адно скрушныя паведамленні пра страты, замест апісання спробаў выратавання.