Форум сайта «Глобус Беларуси»

[Navimann]

Проезжал мимо, по сравнению с фотками на сайте есть уже следы реконструкции а именно - стропила и балки кровли, обрешетки пока нет. Уже радует, раз "а" сделано, то будут и другие буквы алфавита.

Фоток не делал.

[korkh]

У Рагачове вернікі рэстаўруюць касцёл сваімі сіламі
http://nn.by/index.php?c=ar&i=39124

[korkh]

Беларускія католікі аднаўляюць старажытны касцёл у Рагачове да 100-годдзя храма


Разбураны будынак рымска-каталіцкага касцёла Святога Антонія Падуанскага ў Рагачове (Гомельская вобласць) плануюць часткова рэстаўраваць да 100-годдзя асвячэння храма, якое будзе адзначацца 6 жніўня 2012 года.

Работы па аднаўленні фасада старажытнага будынка вядуцца з 2003 года, за гэты час былі адноўленыя сцены і пакрыты дах. Сёлета плануецца пачаць адбудоўваць вежу касцёла. Наступны этап прадугледжвае ўнутраныя работы.

Рэстаўрацыя вядзецца на сабраныя ахвяраванні, будаўніцтвам займаюцца вернікі-католікі з розных беларускіх прыходаў, якія працуюць на валанцёрскай аснове. Пакуль святыя імшы настаяцель прыхода ксёндз Андрэй Шут праводзіць у невялікай капліцы (фота 4).

"Калі касцёл будзе адкрыты, гэта, безумоўна, дазволіць пашырыць колькасць вернікаў у прыходзе. Храм — гэта не музей, не тэатр, а дом малітвы, і аднаўляць яго ў першую чаргу трэба менавіта ў такіх мэтах", — адзначыў настаяцель.

Касцёл быў пабудаваны ў 1912 годзе і дзейнічаў да канца 1930-х гадоў. Затым у яго будынку размяшчаўся зернясклад, вытворчы цэх, пажарны пост і хлебазавод. Храм моцна пацярпеў ад пажару 1940 года і ад снарадаў падчас вызвалення Рагачова ад нямецка-фашысцкіх захопнікаў.

http://belapan.com/archive/2010/08/08/by_media_rogachev/