Форум сайта «Глобус Беларуси»

[Лёха]

Як будзе выглядаць гатэль «Кемпінскі» ў Мінску

У 2013 г. каля Цырку з’явіцца дзевяціпавярховы шматфункцыянальны комплекс. У ахвяру яму прынеслі будынкі першай мінскай электрастанцыі — помніка прамысловай архітэктуры ХІХ ст.




Выгляд з боку праспекта Незалежнасці.


Іншы варыянт: будынкі комплексу ніжэйшыя.


Выгляд з боку Свіслачы.


Пешаходная зона.


Выгляд з боку Кастрычніцкай плошчы.


Будынкі першай мінскай электрастанцыі. Фота globus.tut.by


Нерэалізаваны праект «Кемпінскі» ў верхнім горадзе.

Напрыканцы лістапада 2009 года ў часе абмеркавання перспектыў развіцця беларускай сталіцы Аляксандр Лукашэнка ўхваліў падкарэктаваны генеральны плана Мінска да 2030 года. У тым ліку найвышэйшае адабрэнне атрымалі планы пабудовы новага шматфункцыянальнага комплексу з гатэлем «Кемпінскі». Комплекс мае паўстаць ў 2013 годзе на ўчастку ў межах праспекта Незалежнасці, вуліцы Янкі Купалы і ракі Свіслач непадалёк ад Белдзяржцырка. Праектаваннем зоймецца маскоўская архітэктурная майстэрня «SPeeCH», якая ўжо спраектавала гатэлі «Kempinski» ў Ніжнім Ноўгарадзе і Кіеве.

У ахвяру будучаму гатэльнаму комплексу прынеслі будынкі першай мінскай электрастанцыі — помніка прамысловай архітэктуры ХІХ ст. 16 верасня 2009 г. Рэспубліканская навукова-метадычная рада па пытаннях гісторыка-культурнай спадчыны пры Мінкультуры пастанавіла пакінуць будынкі электрастанцыі ў Дзяржспісе гісторыка-культурных каштоўнасцей. Аднак лёс помніка выглядае вырашаным. Прынамсі, у прысвечаным мінскаму праекту «Kempinski» артыкуле, размешчаным на сайце Агенцтва архітэктурных навінаў, пра гэта гаворыцца, як пра факт: «На самым участку зараз размешчана некалькі прамысловых аб’ектаў, якія падлягаюць зносу».

Як жа будзе выглядаць шматфункцыянальны комплекс з гатэлем «Кемпінскі» ў раёне Белдзяржцырку? Ён будзе складацца з чатырох будынкаў — гатэль, два корпусы апартаментаў і офісны блок. Гатэльная частка будзе звернутая да Свіслачы, офісная — да праспекту. Агульная плошча комплексу сягае 50000 кв.м., з іх падземная частка з паркінгам — каля 18 тысяч кв.м. Цікава, што інфармацыя пра колькасць паверхаў будучага комлексу ў розных крыніцах розная. Так, на сайце кампаніі-праекціроўшчыка гаворыцца пра 10 паверхаў, а Агенцтва архітэктурных навінаў паведамляе пра 9. Ёсць адрозненні і ў выявах гатэльнага комплексу: на сайце «SPeeCH» будучы гатэль выглядае вышэйшым.

З расійскіх крыніцаў можна даведацца таксама пра асабістыя пажаданні мінскіх уладаў да будучага комплексу: «Добраўпарадкаванне набярэжнай і арганізацыя тут пешаходна-гандлёвай зоны прадыктаваныя не толькі горадабудаўнічай логікай развіцця, але і прадпісаннямі мінскіх уладаў». Праекціроўшчык абяцае захаваць маштабнасць і танальнасць наяўнай у раёне забудовы.

Нагадаем, што гатэльны аператар «Кемпінскі» не ўпершыню да будаўнічых пляцовак Мінска. Папярэдні праект, які прадугледжваў пабудову хмарачосу на Кастрычніцкай на грошы сірыйскага інвестара, праз фінансавы крызіс, падаецца, адкладзены на няпэўны час. Сам праект спецыялісты расцанілі, як пагрозу цэласнасці ансамбля Кастрычніцкай плошчы і сілуэту Верхняга гораду.

Сямён Печанко
http://www.nn.by/index.php?c=ar&i=33543

[Zmicier]

абышто. лучше б коттеджи этих буржуев посносили.

[Лёха]

Радуе тое, што адзін з іх праектаў рэалізаваць не смаглі, мо і тут далей за планы не пайдзе.

[Zmicier]

Гатэль «Кемпінскі»: новыя падрабязнасці

Міністэрства культуры не выключае захавання гістарычных будынкаў першай мінскай электрастанцыі і адаптацыю іх у будучы гатэльны комплекс.

Гісторыя з пабудовай побач з цыркам гатэльнага комплексу «Кемпінскі» абрастае новымі падрабязнасцямі. Старшыня грамадскага аб’яднання «Беларускае добраахвотнае таварыства аховы помнікаў гісторыі і культуры» Антон Астаповіч атрымаў ліст ад намесніка міністра Мінкультуры Віктара Кураша, у якім вядзецца пра магчымае захаванне помніка прамысловай архітэктуры ХІХ ст. — будынкаў першай мінскай электрастанцыі — у складзе будучага гатэльнага комплексу. З ліста вынікае, што

пытанне аб выключэнні помніка з Дзяржспісу гісторыка-культурных каштоўнасцей Міністэрствам культуры сумесна з Мінгарвыканкамам разглядалася па даручэнні Саўміну.
Аднак Рэспубліканская навукова-метадычная рада па пытаннях гісторыка-культурнай спадчыны пры Мінкультуры спаслалася на адсутнасць прававога абгрунтавання і прыняла рашэнне аб немагчымасці выключэння былой электрастанцыі з Дзяржспісу. Так, у п. 1 рашэння Рады ад 16 верасня 2009 г. №159 адзначана, што
комлекс былой электрастанцыі знаходзіцца на тэрыторыі, якая вызначаецца надзвычай высокім гісторыка-культурным патэнцыялам і з’яўляецца неад’емным элементам забудовы ансамбля праспета Незалежнасці.
Быў адзначаны і той факт, што эксперты ЮНЭСКА падтрымалі ўключэнне намінацыі «Архітэктурны ансамбль праспекта Незалежнасці» ў папярэдні спіс аб’ектаў сусветнай спадчыны.

Адначасова сябры Рады прызналі магчымым пабудову ў раёне цырка гатэльнага комплексу пры ўмове «рэканструкцыі з рэстаўрацыяй азначанага помніка, абмежаванняў па вышыні плануемых збудаванняў і выканання міжнародных рэгламентаў».

15 кастрычніка прадстаўнікі Мінгарвыканкаму, Мінкультуры, маскоўскай архітэктурнай майстэрні «SPeeCH» і кампаніі

«Кемпінскі» абмеркавалі падыходы па праектванні будучага гатэльна-дзелавога комплексу

«з улікам правядзення даследаванняў комлексу былой электрастанцыі, выяўлення элементаў і канструкцый помніка архітэктуры 1895-1912 гг. і захавання іх у складзе ствараемага аб’екта».
Акадэмія навук пры гэтым указала на неабходнасць навуковага забеспячэння не толькі будаўнічых, але і перадпраектных і праектных працаў на аб’ектах, уключаных у спіс гісторыкакультурных каштоўнасцей.

У выніку, спаслаўшыся на замежны вопыт рэканструкцыі і прыстасавання аб’ектаў прамысловай архітэктуры, у тым ліку і з уключэннем іх у аб’екты сучаснага будаўніцтва, Мінкультуры не выключыла магчымасці рэалізацыі «сучасных архітэктурных рашэнняў» на ўчастку ў межах праспекта Незалежнасці, вуліцы Янкі Купалы і ракі Свіслач непадалёк ад Белдзяржцырка.

«У ходзе праектавання на прылеглай тэрыторыі шматфункцыянальнага цэнтра, зыходзячы з дзеючых у сусветнай практыцы правіл, неабходна забяспечыць экспанаванне гістарычных будынкаў і іх адаптацыю ў сучасны архітэктурны ансамбль», — гаворыцца ў лісце.

Нагадаем, што пры канцы лістапада 2009 года ў часе абмеркавання перспектыў развіцця беларускай сталіцы Аляксандр Лукашэнка ўхваліў падкарэктаваны генеральны плана Мінска да 2030 года. Адабрэнне атрымалі сярод іншых і планы пабудовы новага шматфункцыянальнага комплексу з гатэлем «Кемпінскі». Комплекс мае паўстаць у 2013 годзе на ўчастку ў межах праспекта Незалежнасці, вуліцы Янкі Купалы і ракі Свіслач непадалёк ад Белдзяржцырка.

http://www.nn.by/index.php?c=ar&i=33712

[vitalis]

няўжо мазгі хоць крыху з'явіліся!!!
маленькая, але перамога...

другое пытанне, як захаваюць?!

[korkh]

Ці выжыве першая мінская электрастанцыя каля гатэлю “Кемпінскі”?..
У Мінску збіраюцца зруйнаваць яшчэ адзін стары будынак — першую ў сталіцы электрастанцыю 1870-х гадоў. Гэта калі коратка. Падрабязней гісторыя выглядае так.

На праспекце Незалежнасці, злева ад цырка, сабраліся будаваць прэстыжны гатэль "Кемпінскі". Рэч, бясспрэчна, патрэбная — асабліва напярэдадні чэмпіянату свету-2014 па хакеі ў Мінску. Аднак вось бяда — якраз на гэтым месцы знаходзяцца будынкі першай у Мінску электрастанцыі — унікальнага помніка гарадской прамысловасці. Электрастанцыя ўнесена ў Дзяржаўны спіс гісторыка-культурных каштоўнасцяў Рэспублікі Беларусь. І ўнесена недарэмна. Па-першае, іншага такога будынка ў Мінску няма. А ў Беларусі — усяго два. Па-другое, электрастанцыя перажыла многае — Першую сусветную вайну, рэвалюцыю, Вялікую Айчынную вайну. Пасля вайны электрастанцыя непасрэдна ўдзельнічала ў гераічным аднаўленні праспекта — сілкавала ўсе будоўлі ад плошчы Незалежнасці да плошчы Перамогі.


І вось праектанты гатэлю малююць план, на якім электрастанцыі... няма. А ёсць 8-павярховы шкляны гмах. Гм... На шчасце, усе праекты будаўніцтва ў зоне гісторыка-культурных помнікаў (а тут адразу два — ансамбль праспекта і сама станцыя) узгадняе кампетэнтная Навукова-метадычная рада пры Міністэрстве культуры. І Рада адрэагавала адэкватна: гатэль будуйце, але станцыю захавайце. Маскоўская фірма "Speech", якая з'яўляецца аўтарам праекта, падышла з разуменнем, і 7 красавіка Радзе быў прадстаўлены другі праект, на якім гатэль павінен быў будавацца ўздоўж ракі, а станцыя захоўвалася (гл. малюнак).



Але вось удакладненне генплана тэрыторыі, якая мае быць забудаваная, ад 3 чэрвеня.



На гэтым удакладненым генплане электрастанцыі... няма. Памятаеце, як было ў сталінскія часы: няма чалавека — няма праблемы. Тут тое самае: няма станцыі — няма за што спрачацца. Аднак станцыя пакуль стаіць. І пакуль яе не зруйнавалі, "Звязда" паспрабавала разабрацца ў жангляванні дакументамі.

На гэтым удакладненым генплане электрастанцыі... няма. Памятаеце, як было ў сталінскія часы: няма чалавека — няма праблемы. Тут тое самае: няма станцыі — няма за што спрачацца. Аднак станцыя пакуль стаіць. І пакуль яе не зруйнавалі, "Звязда" паспрабавала разабрацца ў жангляванні дакументамі.

далей тут http://labadzenka.by/?p=10004#more-10004

[korkh]

Пачалі руйнаваць комплекс











Таблічкі зьнялі


Было так


Тэхніка чакае


Пашпарт


by Minsk http://www.skyscrapercity.com/showthread.php?t=630162&page=12[/img]

[Zmicier]

ну что за уроды...слов просто нет ..... ну трындец просто...

[Алексей Тэрро]

СЃСѓРєРё!!!!!

[Лёха]

Згубілі станцыю. На выходных там праходзіў - палова была ўжо разбурана. Вось рэпартаж Белсату
http://www.youtube.com/watch?v=ZkcxYKkamUM&feature=player_embedded

[korkh]

Такі дабілі шчэ адзін будынак электрастанцыі


У сярэдзіне ліпеня яшчэ было так





Такім чынам пакуль застаўся толькі адзін будынак

фота з http://www.skyscrapercity.com/showthread.php?t=630162&page=15

[korkh]

Першая менская электрастанцыя RIP :(



Цяпер ужо дакладна ўсё

[Kudesnik]

Тема не новая и тут уже, конечно, обсуждалась, но может быть кому-нибудь будут интересны материалы проверки по делу разрушения электростанции.

[korkh]

Па факце зносу першай мінскай электрастанцыі распачатая крымінальная справа

Чытаць цалкам: http://nn.by/index.php?c=ar&i=65260