Форум сайта «Глобус Беларуси»

[Domino]

Загадкавая далёкая краіна.

Свая зачыненная культура.
На першы погляд, японцы "белыя і пушыстыя". На самой справе яны не такія. Але мы ж тут сабраліся не пра гэта гутарыць.

Па доўгу службы зараз знаходжусь у Японіі.

Першы час я не вандраваў асобна. Так, у межах Токіа. Вялікі горад. Адсутнасць бясплатных парковак робіць амаль немагчымай вандроўку на аўто.
Ну да ладна, гэта ўсё прымаўка.

Вандраваць па Японіі не ведаючы японскага вельмі складана, бо валоданне "простых" японцаў англійскай мовай прыкладна на ўзроўні нашай агульнашкольнай адукацыі. Таму лепш за ўсё вандраваць з тым, хто можа размаўляць кадзі :).

Першым маім месцам была Такійская вежа Sky Tree. Дзве аглядальныя пляцоўкі: 350 і 450 метраў.

Выгляд Токіа з вышыні птушынага палёту (450 м)





Гара Фудзі.
Гэта адна з тых рэчаў, ад якой дурэюць японцы.



Падымацца на гору можна толькі ў жніўне. Абавязкова наведаю.
Вакол Фудзі багата гарадкоў з вялікімі і малымі музеямі і славутасцямі.
Гэта: "Японскія Дудуткі і Азярцо"



Наступнымі выхаднымі наведалі чыгуначны музей


і маленькі музей бансай



Цікавага багата на японскай зямлі. Неведаў храмавы комплекс буддзістаў які ўключаны ў спіс культурнай спадчыны ЮНЭСКА



Там багата храмаў і іншых малых архетыктурных формаў





Храм з выявай жыцця чалавека праз выявы малпаў. Вядомыя "не бачу, не чую, не кажу" знаходзяцца тут



Ну і выгляды храмавага комплексу







А вось такія дзяцькі стаяць пры ўваходзе амаль у кожны храм









Далей мой шлях пралягаў да горных вадападаў. Па шляху вось такая пляцоўка. Надпіс 1173 м над у.м.



А вось і вадапады:
1. РљСЌРіРѕРЅ


2. Каля Кагона ёсць яшчэ адзін вадапад (Назву не памятаю)

3. Р СЋРґР·Сѓ



Другая рэч ад якой дурэюць японцы - гэта сакура




Цікава, але я сустракаў шмат японцаў, якія рабілі фотаздымкі сакуры і на тэлефоны, і на планшэты, і на фотакамеры розных памераў. Яны та бачуць сакуру штогод, але ўсё роўна робяць фотаздымкі на памяць.

Пакуль што гэта ўсё.
Справаздача не ахці якая, але і прыгожых вандровак пакуль не было )

Ці спадабалася вам?

[К�НДУС]

Зразумела, спадабалася!
Вось як так? Не ведаючы японскай мовы, по Японii вандраваць цяжка. Як жа яны па усiм свеце вандруюць?

[Domino]

Японцы па свету вандруюць хіба так сама як і нашы: на ломанай англійскай мове.

Мне ўвогуле здаецца, што ў іх свая культура вандровак па сваёй краіне. Такі вялікі натоўп турыстаў-японцаў у кожнай славутасці што здзіўляешся. У нас такі натоўп можна назіраць толькі ... калі бачыш школьнікаў якіх загналі на дах бібліятэкі пад час школьных вакацый (я так думаю). Праз кажныя 20 км. на хайвэе - паркінг і ён увесь дзень забіты машынамі і аўтобусамі. І паркінгі гэты не хатка 5х10 метраў, не кафэ з меню на адну старонку і не з уборнай у лесе тыпу "сартыр". Там вялікі магазін + кафэ (а то і два) + месцы для палення (у Японіі забаронена паліць на вуліцы - толькі ў спецыяльных месцах) + туалет на дзесятак персон з комнатай для маці, каб пераапрануць немаўлятку (а на некаторых - і для бацькі) і душам.

Што датычыцца замежнікаў у Японіі, то ім утульна будзе толькі ў месцах, якія японцы палічылі прывабнымі для замежнікаў. Надпісы па-англійску дубліруюцца толькі ў цэнтры гарадоў ды на асноўных аўтамагістралях: там дзе ёсць большая верагоднасць турыстаў-замежнікаў. Калі набываеш квіткі ў касе якой-небудзь славутасці, то верагоднасць убачыць надпіс па-англійску існуе толькі ў вялікіх славутасцях. Не, касір растлумачыць на ломаным англійскім колькі каштуе квіток. А ў адным месцы мне далі пачытаць загадзя натрукаваную паперу А5 з аб'явай: сюды не хадзі, туды хадзі, гэта нельга і г.д. Тое, што касір мусіла сказаць, яна проста дала мне пачытаць )
А так падыходзіш да касы і выбіраеш найбольш вялікі тарыф - гэта і ёсць "для дарослых". Для дзетак там існуюць асобныя тарыфы і дзеляцца яны ў кожным месцы па-свойму. Недзе дашкольнік-школьнік-студэнт, недзе дастудэнт-студэнт, недзе дашкольнік-школьнік і вышэй. У кожным выпадку прасцей паказаць дзіця і сказаць колькі яму годоў (альбо паказаць на пальцах) )

Мае вандроўкі па Японіі толькі пачалісь. Цікавага яшчэ шмат будзе, я ўпэўнены.

P.S. Да рэчы, віза ў Японію бясплатная.

[К�НДУС]

[Алекс Сталь]

Domino

А сакура и впрямь прекрасна!
А плоды вкусные? � съедобны ли?

[Domino]

Александр Сталь, так сакура вельмі прыгожая. Кветкамі аблеплены ўсе галінкі.

На колькі я ведаю, сакура не дае пладоў )

[К�НДУС]

[Domino]

К�НДУС, паназіраю
Калі што вырасце - пачастую і скажу як яна на густ ;)

[К�НДУС]

Добра.
I на выгляд таксама.

[Владислав Ф.]

Продолжайте, пожалуйста, очень интересно! Притом Ваше мнение не менее интересно, чем иллюстрации. Особенно, когда с моими мыслями совпадает - с возрастом некоторое юношеское увлечение японской культурой, хотя и чисто целомудренное, все больше сменяется некоторым осторожным чувством, что понтов в этой культуре куда больше нежели чем.

[Valery Zeliazei]

***

[Domino]

Крыху настальгіі для тых, хто ведае што гэта (не настальгія) такое)



У Токіа шмат магазінаў BookOff. Першапачаткова, я так думаю, гэта была сетка менавіта перапродажу кніг ды коміксаў. Але потым гэта стала такая сетка "СэкандХэнд" усяго. Магазіны даволі вялікія. Асноўнае месца адведзена кнігам і дыскам (DVD, CD, для разнастойных кансоляў). Частка з адзеннем. І частка "спецыялізаваных тавараў" - дзе - цацкі, дзе - спартыўныя прылады (а японцы дурэюць яшчэ і ад гольфу), дзе - электроніка, фота і інш.

Сёння як убачыў гэты экспанат для продажу, так і ўзгадаў дзяцінства. Але кошт у $100 не радуе
:)

[К�НДУС]

Нейкая аблегчаная версiя гульнi. ТОлькi дзве кнопкi/
У мяне у дзяцiнстве воук лавiу яйкi i было чатыры.
А мульцiк таксама паказвае? :)

[Владислав Ф.]