Форум сайта «Глобус Беларуси»

[К�НДУС]

увеличить до 1200x897

Вядома, якія ж могуць быць Радзівілімонты ў савецкай дзяржаве? Тут панам і прыгнятальнікам працоўнага люда ня месца. Глядзі ж ты, панабудавалі сабе палацаў! Ды з дубовага комлю ды цэглы! Сам Карлас Спампані з Італіі завітаў, каб стварыць летнюю рэзідэнцыю клецкаму ардынату Альбрэхту Радзівілу.

увеличить до 1200x897

Шыкавалі на поўную нагу: было ў іх два флігелі, канцалярыя, дом эканома, а таксама цэлы гаспадарчы двор з вінакурняй, млынам, вяндлярняй, воднай помпай, стайнямі і гумнамі. А яшчэ тут быў заводзік, дзе кансервавалі агуркі. Іх закладвалі ў бочкі, якія потым скатвалі ў рэчку, дзе агародніна магла захоўвацца аж да вясны. Бывала, бочка разбівалася, і агуркі плылі па рацэ на радасць мясцовым жыхарам.

увеличить до 897x1200

увеличить до 897x1200

увеличить до 897x1200

Акрамя таго, Антон Радзівіл напрыканцы 19 стагоддзя наладзіў тэлефонную сувязь з рэзідэнцыяй у Нясвіжы, а гэта, ні многа ні мала, 25 кіламетраў. Тут некаторыя дагэтуль, што такое ўнітаз ня ведаюць, а ў іх тэлефон 130 год таму ўжо быў! Пабач ты, ну не гады ж?

увеличить до 897x1200

Але нічога, нядоўга музыка гучала. Прыйшлі асвабадзіцелі, ды хуценька з буржуінамі гэнымі разабраліся. Памяшканні палаца выкарыстоўваліся, як склад. Потым тут было саўгаснае праўленне, сямігадовая школа, сельскі клуб, дзіцячы садок і бібліятэка. Пасля пажараў 1985 і 1991 года, рамонт з-за адсутнасці сродкаў не праводзіўся, і паступова будынак палаца прыйшоў у заняпад. Што і патрабавалася даказаць: калі няма гаспадароў, застануцца адныя рэшткі.

увеличить до 897x1200

Так што завітайце, будзе цікава.

[К�НДУС]

А вось і жасцяная банка з-пад агуркоў Радзівілаўскага завода. Дарэчы, такая недзе ў Нясвіжскім музеі захоўваецца як экспанат.

увеличить до 1100x730