Форум сайта «Глобус Беларуси»

[К�НДУС]

Гэты аграгарадок незаслужана абдзелены ўвагай турыстаў, якія на хуткасці пралятаюць міма да заветных месцаў адпачынку на Вілейскім вадасховішчы, Нарачанскіх ці Браслаўскіх азёрах.

У сярэдзіне 20 стагоддзя Ілля быў цэнтрам раёна Вілейскай, а потым Маладзечанскай вобласці, а сваю гісторыю вядзе з 15 стагоддзя, калі ім валодалі шляхецкія роды Забржезінскіх, Збаражскіх і Падкабылахвастоўскіх. Ох, і люблю я гэтыя прозвішчы!

Многія звязваюць назву мястэчка з імем Ілля, але першы храм, пабудаваны тут, быў асвячоны імем св.Міхаіла.

Царква св.Іллі пабудавана, як кажуць, у 1828 годзе, але здаецца, яе зрабілі пару месяцаў таму наноў. З прафіляванага бруса, па-багатаму. Нават на адмысловых сайтах яшчэ фота не змянілі, у тым ліку і на глобусе).

увеличить до 897x1200

увеличить до x

увеличить до 897x1200

увеличить до x

увеличить до x

Ну а касцёл Сэрца Ісуса адбудаваны ў 1907 годзе дзякуючы маніфесту расійскага цара Мікалая другога "Об укреплении начал веротерпимости". Гэты маніфест па першаю чаргу даваў адносную свабоду і права стараабраднікам, дазваляў ім займаць пасады, будаваць храмы і наогул, ціск і пераслед іх быў спынены. Скарысталіся гэтым і католікі, і пад гэтую марку пачалі будаваць касцёлы. Праўда, касцёл у Іллі паўтарыў лёс большасці касцёлаў Беларусі, у савецкі час не дзейнічаў, быў малочным цэхам. Цікава, што на камянях, з якіх складзены сцены касцёла, засталіся высечаныя літары. Так іх мецілі тыя, хто ахвяраваў на набыццё гэтых камянёў.

увеличить до x

увеличить до 897x1200

увеличить до 897x1200

увеличить до 897x1200

увеличить до x

Аграгарадок, нягледзячы на невялікія памеры, мае развітую інфраструктуру. Тут ёсць аграрны каледж, папулярная крама "Святлафор", раніцай працуе сельскагаспадарчы рынак. Нават шаўрмой тут можна пачаставацца.

Напрыканцы вернемся да пытання, вынесенаму ў загаловак. Дык "Ілья", як напісана на ўсіх дарожных знаках, ці "Ілля", згодна з беларускім правапісам? Як лічыце?

[Александр Dehty]

Па мне, зразумела "ІллЯ", але ні ад аднаго тамтэйшага жыхара ні разу не чуў такога вымаўлення (за 15 год жыцця на Вілейшчыне). Яны завуць сваё месца "Ілія", з націскам на першую літару.
- Адкуль ты? З Іліі
- Дзе жывеш? У Іліі
- Месца жыхарства? Ілья (гучыць як Ілія)
---
Неяк так :)
P.S. Падобная асаблівасць і ў вілейскай НАрачы (па-мясцоваму яна НарОч,НарОча) і ў КуранцА, які таксама ў палове выпадкаў - кУранец.
Сваеасаблівы тэст на чужынцаў, як у той шчучыншчыны .

[К�НДУС]

Александр Dehty
Так, ужо пачуў версіі, што наогул называюць Іля (й�ля), а ўсе гэтыя Ільі пераназывалі ў БССР. Нічога дзіўнага.