Форум сайта «Глобус Беларуси»

[К�НДУС]

Вядома, што з часоў ВКЛ на Беларусі засталося шмат татараў. І ведаеце, тут у нас, а дакладней, у вёсцы Лоўчыцы Навагрудскага раёна пахаваны нават мусульманскі святы (эўлія) Контусь. А гісторыя была такая...

Некалі Стэфан Баторый дараваў у гэтых прыгожых мясцінах зямлю свайму лоўчаму, татарыну па паходжанню. Лоўчы пабудаваў там маёнтак, якому даў сціплую назву Лоўчыцы, а сабе ўзяў прозвішча Лоўчыцкі.

Здарылася так, што адзіную яго дачку наваградскія езуіты схілілі да хрысціянства. Каб вымаліць дараванне, стары татарын адправіўся пілігрымам у Мекку. За доўгі час, які цягнуўся яго хадж, Лоўчыцкі патраціў усе свае грошы, таму вернуцца назад не было ніякай магчымасці. І тут адзін чалавек падказаў татарыну, што кожны дзень у труны Магамета моліцца хлопец з яго краёў, магчыма ён будзе здольны дапамагчы. Толькі, кажа, не слухай, калі ён будзе аднеківацца, проста абдымі яго і моцна трымайся за шыю і адзенне.

Якое жа было здзіўленне лоўчага, калі ў гэтым хлопцы ён пазнаў свайго пастушка Контуся! Вельмі здзіўлены, Лоўчыцкі ўзамен на клятву маўчання, выпытаў у хлопца, што ён надзелены магчымасцю тэлепартацыі, і кожную раніцу лятае ў Мекку каб усхваляць Аллаха. Контусь загадаў гаспадару заплюшчыць вочы і ў момант даставіў яго ў маёнтак.

Лоўчыцкі быў вельмі ўдзячны свайму пастушку за сваё ратаванне да самой яго смерці, і толькі тады распавёў усім пра гэты цуд. Контуся пахавалі каля мячэці, і ўжо да яго, не маючы магчымасці рабіць далёкі хадж, сталі прыходзіць паломнікі з усяго Княства як да пасярэдніка паміж вернікамі і Аллахам.

Кажуць, што моляцца яму аб здароўі і нараджэнні дзяцей, а трава на яго пахаванні заўсёды зялёная.

увеличить до 675x1200

увеличить до 675x1200

увеличить до 675x1200

увеличить до 675x1200