Форум сайта «Глобус Беларуси»

[zzuka]

[zzuka]

[Р’59]

Капліца на могілках (03.2010).

[alexBel]

Шчучын мімаходзь

Днямі праязджаў міма Шчучына і ў запасе ў мяне быў лішні час, таму я вырашыў заехаць на гадзінку і паглядзець чым багата мястэчка.
З тутэйшых славутасцяў першым на нашым шляху быў сядзібны комплекс Друцкіх-Любецкіх. Ядром сядзібы з'яўляецца палац у класіцыстычным стылі.



Будынак узведзены ў канцы XIX стагоддзя. Архітэктар - Тадэуш Раствароўскі. Яшчэ два гады таму палац быў закінуты і меў вельмі жаласны выгляд, але да дня беларускага пісьменства, які праходзіў у Шчучыне ў 2015 годзе, будынак адрэстаўравалі.


Вонкава праведзеныя работы выглядаюць добра.

Да задняга фасаду палаца прымыкае прыбудова, якая некалькі адрозніваецца стылістычна і нагадвае савецкі класіцызм - мяркую, што яна была ўзведзена ў сярэдзіне ХХ стагоддзя.



Недалёка ад палаца, у уязной дарогі, знаходзіцца невялікая хатка, таксама ў класіцыстычным стылі.


Думаю, што гэта вартоўня канца XIX - першай паловы ХХ стагоддзя, таму што пры СССР не замарочваліся са стылем для падобных пабудоў.

З іншага боку ад палаца размешчаны зараз закінуты гаспадарчы корпус, дзе па некаторых звестках размяшчалася кухня і жыла прыслуга.



На процілеглым беразе возера, перад якім стаіць палац, захаваліся іншыя гаспадарчыя будынкі сядзібы.



З другога боку знаходзіцца наступная славутасць, да якой мы накіраваліся.



Манастыр піяраў з касцёлам св. Тэрэзы размешчаны на ўзвышшы ў куце цэнтральнай плошчы горада. Ён быў узведзены ў пачатку XIX стагоддзя ў класіцыстычным стылі. Храм уяўляе сабой у плане лацінскі крыж з васьмігранным светлавым барабанам над сяродкрыжжам.



Адразу за апсідай храма прыбудаваны калегіум манастыра.



Далей будынак некалькі разоў ламаючыся пераходзіць у жылы корпус.



Цікава тое, што манастыр і калегіум па ранейшаму дзейнічаюць і належаць ордэну піяраў.


Непрадказальнае надвор'е выдавала фантастычнае з выгляду неба.

Праз вуліцу, адразу насупраць касцёла, стаіць праваслаўная царква св. Міхаіла Арханела.



Храм быў пабудаваны ў псеўдарускім стылі ў 1865 годзе.



За апсідай храма знаходзіцца "дом лясніцтва" пач. XIX стагоддзя, зараз, судзячы па праваслаўным крыжы над порцікам, адносіцца да царквы.



Адсюль я вырашыў схадзіць да возера, каб зірнуць на палац з гэтага берага.



Шчучын - маленькае акуратнае мястэчка з прыемнай планіроўкай. Асноўныя славутасці выглядаюць маляўніча на берагах сажалкі і адразу робяць прыемнае ўражанне.
Тут мяне нагнаў дождж і я вярнуўся на плошчу, каб хутка зрабіць дзясятак здымкаў старадаўняй забудовы, якая выдатна дапаўняе ўражанне ад храмаў.











Праз некалькі хвілін непагадзь разгулялася не на жарт і я імкліва накіраваўся да стаянкі. Напрыканцы "пстрыкнуў" касцёл, сеў у аўтамабіль і працягнуў свой шлях.



http://ales-matsesha.livejournal.com/20444.html