Форум сайта «Глобус Беларуси»

[Деніс]

Суботнік у капліцы-пахавальне
Козел-Паклеўскіх.

З нагоды падрыхтоўкі да святкавання 150-годдзя студзен-
скага паўстання 1863г. вялейская суполка “Таварыства аховы
помнікаў гісторыі і культуры” , на чале са сваім старшынёй
Дзянісам Канецкім, зладзіла суботнік у капліцы-пахавальне
Козел-Паклеўскіх ў вёсцы Вялікая Сэрвач.
Для тых,хто ня ведае: Вінцэнт Козел-Паклеўскі быў паў-
станцкім ваенным кіраўніком Вялейскага павету і разам са
сваім малодшым братам Міхалам загінуў у баі з царскімі
карнікамі каля вёскі Ўладыкі. А іх старэйшы брат Ян, быў
бліжэйшым паплечнікам Кастуся Каліноўскага.
Але ўжо у наш час, нейкія злодзеі, якія ні маюць ані страху,
ані сумлення, разрабавалі магілы слыннага шляхецкага роду.
У пошуку каштоўнасцей , гэтыя вандалы, вырвалі краты з
акенца ў падмурку капліцы, ўлезлі ў сутарэнні і разбіўшы тру-
ны, раскідалі косьці па ўсім склепе.
Таму ў суботу 6 кастрычніка сябры вялейскай суполкі ТАП
вырашылі ўладкаваць месца пахавання змагароў-паўстанцаў.
Вакол капліцы было павырывана кустаўё, косьці былі скла-
дзены ў труны, а акенца ў падмурку было замуравана цэглай.
Таксама дамовіліся з пробашчам Касцяневіцкага касцёлу,
каб правесці набажэнства ў капліцы на “Дзяды”.