Форум сайта «Глобус Беларуси»

[В. Сцяпанаў]

Ужо 20 год "лашчыць" вока ўсім, хто прыязджае ў Воршу, знявечаны будынак былога базылянскага кляштара. Ужо некалькі год да яго прыцягнутая ўвага грамадскасці горада. Былі напісаныя дзясяткі лістоў у "культурныя" установы, даводзілася да ведама непасрэдна міністру і адказным за рэстаўрацыю чыноўнікам, адбылася сустрэча прадстаўнікоў грамадскасці з прадстаўніцаю ўладальніка, Мікола Купава, славуты зямляк і вядомы мастак, з не самых вялікіх здабыткаў прапанаваў сваю дапамогу ў адбудове каштоўнага архітэктурнага помніка.
Аляксандар Лукашэнка абвесціў падчас учорашняга візіту ў Магілёў, што збіраецца ў Воршу, каб чарговы раз наведаць льнокамбінат. Можа, прыйшоў час яму на свае вочы пабачыць сведчанне эфектыўнасці створанае ім сістэмы кіравання, заехаць на базыляны і ацаніць вынікі супольных высілкаў свецкіх і царкоўных уладаў? Прынамсі, гэта было б натуральна для чалавека, які назваўся Прэзідэнтам і лічыцца аршанскім ураджэнцам.

[Zmicier]

Если б без унылой политики, то было бы интересно.

[маша п.]

Zmicier
согласна...

[В. Сцяпанаў]

вось і я кажу: варта адзін раз яму заехаць на базыляны (якія на Дажынкі былі схаваныя пад камуфляжнай сеткай, пэўна, каб з верталёта не было бачна), і ўсім будзе весела:)

[Valery Zeliazei]

***

[krytsyk]

http://news.tut.by/society/331110.html нисчастая цэркафь... дайце грошай!

[alexBel]

Аршанцы напісалі ліст да прэзідэнта, каб у будынку базыльянскага кляштара з'явіўся дах

Помнік архітэктуры беларускага барока стаіць з 2004 году бяз даху. Зь бюджэту грошы на яго не даюць, бо ён належыць Віцебскай эпархіі.

Ліст да Аляксандра Лукашэнкі з просьбай зьвярнуць увагу на помнік архітэктуры 18 стагодзьдзя — будынак базыльянскага кляштара — падпісалі больш за два дзясяткі чалавек.

Падпісалася б і болей, але шмат хто баіцца зьвяртацца ў высокія інстанцыі, бо потым скаргі "спускаюць" для разбору ў раён, і скаржнікі маюць непрыемнасьці, гаворыць адна з падпісантак, былая супрацоўніца аднаго з аршанскіх музэяў Тацяна Вароніна:

"Зьвяртаемся да Лукашэнкі, бо куды ўжо толькі не зьвярталіся! І да мясцовых уладаў, і ў Міністэрства культуры, і ў пракуратуру, — адказ адзін: абяцаюць зрабіць у гэтым годзе, потым у наступным, потым зноў у наступным... Дык колькі ж можна! Ворша — гэта ўсходняя брама Беларусі, тут чыгуначны цэнтар, тут усё.. А пасярод гораду стаіць разбураны помнік! Проста сорамна!"

Да 2004 году будынак кляштара быў гарадзкой маёмасьцю: там быў падменны жыльлёвы фонд, а потым — майстэрні мастакоў. Але ўзімку здарыўся моцны сьнегапад, і дах праваліўся. Замест таго каб адрамантаваць, гарадзкія ўлады ў 2005 годзе перадалі аварыйны помнік архітэктуры Віцебскай эпархіі праваслаўнай царквы. Цяпер на ўсе скаргі ў іх адзін адказ: у гістарычнага будынка ёсьць уласьнік, і ўсе прэтэнзіі — да яго.

Аршанскі ўраджэнец, мастак Мікола Купава зьвярнуўся па дапамогу да міністра культуры Барыса Сьвятлова. Адказ мастаку падпісаў намесьнік міністра Тадэвуш Стружэцкі — чатыры дні таму, якраз пасьля скандалу з руйнаваньнем гістарычнага будынка ў вёсцы Смаляны на Аршаншчыне, адпраўлены з гэтай пасады ў адстаўку.

У лісьце гаворыцца, што гаспадар будынка замовіў праект рэстаўрацыі і працы па аднаўленьні могуць распачацца ў 2014 годзе. Але разьлічваць на дапамогу дзяржавы ў гэтай справе не выпадае, цытуе ліст зь Міністэрства культуры мастак Мікола Купава:

"Фінансаваньне такіх аб’ектаў бюджэтнымі сродкамі разглядаецца як іх нямэтавае выкарыстаньне. Выключэньне могуць складаць выпадкі, калі дадзена даручэньне кіраўніка дзяржавы на выкананьне рэстаўрацыйна-аднаўленчых работ на канкрэтных аб’ектах". Выходзіць, каб будынак кляштара быў гарадзкой уласнасьцю, то дапамога Міністэрства культуры была б верагоднай? А як належыць Віцебскай эпархіі, то — не?"

Зварот да Аляксандра Лукашэнкі, напісаны жыхарамі Воршы, выглядае адзіным шляхам да вырашэньня праблемы, калі дзяржаўныя структуры адмаўляюцца ад адказнасьці за лёс помніка архітэктуры беларускага барока.

Тым часам аршанцы ня проста чакаюць дапамогі "зьверху", але й самі гатовыя дапамагчы ўратаваць архітэктурны помнік. Паволі, але ўжо паступаюць грошы на дабрачынны банкаўскі рахунак. А мастак Мікола Купала абвясьціў, што выстаўляе на продаж шэраг сваіх твораў. 65% заробленых грошай ён аддасьць на аднаўленьне кляштара базыльянаў. Мастак прапануе ня толькі рэстаўраваць будынак, але й адбудаваць царкву Апекі Маці Божай, зруйнаваную на ягоных вачох у 1969 годзе тагачаснымі гарадзкімі ўладамі Воршы.
Читать полностью: http://news.tut.by/culture/345391.html