Форум сайта «Глобус Беларуси»

[Александр Dehty]

Івашынавічы ( 54°33'36.55"С , 27° 7'7.53"В ), вёска ў Людзвіноўскім сельсавеце, побач з геалагічным помнікам прыроды "Пагоркі Рэчкінскія". На могілках ёсць капліца даваеннага часу (пазней абяцалі ўдакладніць узрост). Стан занядбаны, але пры пахаваннях памінальную службу вядзе мясцовы бацюшка.











Таксама сустрэлася надмагільная каплічка:











---------------------------------------------------------------------------------------------------------------------------------------------------------------------------------------------------------------------------------------

Недалёка ад Івашынавічаў ёсць вёска Лявонавічы ( 54°34'36.24"С , 27° 8'19.45"В), Людзвіноўскага сельсавета. Сярод вёскі маецца таксама капліца даваенная, але здаецца, што ёй ужо не карыстаюцца. Па словах мясцовага жыхара, у савецкі час (а мо і пазней) каплічку абрабавалі студэнты на сельгаспрацы. Знікла ікона, срэбны падсвечнік і іншыя прылады.




Спадабаўся адказ дзеда на пытанне пра брукаваную вуліцу, маўляў "пэўна была вёска важная?" "Не... , гэта палякі заставілі... ." Што тут скажаш - Заходняя Беларусь :D .




---------------------------------------------------------------------------------------------------------------------------------------------------------------------------------------------------------------------------------------

У гэтым жа кутку - вёска Карэкаўцы (54°35'16.86"С , 27° 7'47.97"В). Там на пачатку 2000-ых гадоў мясцовы жыхар Пётр Саковіч з жонкай Валянцінай на ўласныя сродкі збудавалі праваслаўную каплічку. На сценах яе размешчаны памятныя дошкі з імёнамі аднавяскоўцаў, загінуўшых у часы 2-ой Сусветнай вайны.






Пэўна адначасова мясцовыя краязнаўцы з дапамогай раённай улады, на гэтым жа скрыжаванні, стварылі мемарыяльны комплекс у гонар мясцовага ўраджэнца паэта-дэмакрата Эдварда Жалігоўскага. Адметны сяброўствам з Тарасам Шаўчэнка.














Працяг будзе... .

[Александр Dehty]

Працяг у 3 начы (самы мой час;) ), работа такая... . Учора агледзеў, што па Вілейцы не хапае фота "Казначэйства", калі ласка -
.
Ляжала "ў запасніках", бо не вельмі таварны выгляд; а тут нарваўся на падраздел, то і ўспомніў пра
чырвоны сцяжок.
Цяпер гэта адміністрацыйны будынак мясцовага "міні рынка"("бадай яго пранцы", ня ведаю, як "рынок" па-беларуску").
. Тут яшчэ лепш .

[Александр Dehty]

Працягваю.
Цынцавічы, вёска ў Любанскім сельсавеце (54°32'50.83"С , 26°49'51.47"В). Радзіма мастака-мазаічыста, акадэміка Пецярбургскай акадэміі мастацтваў Нікадзіма Сілівановіча. Адна з найбольш вядомых яго работ - мазаіка «Тайная вячэра» ў галоўным іканастасе Ісакіеўскага сабора ў Пецярбургу.
Напрыканцы 2009 г. быў адкрыты памятны знак на паўночным ўскрайку вёскі.





Больш падрабязна пра адкрыццё помніка тут.
----------------------------------------------------------------------------------------------------------------------------------------
У гэтым жа месцы знаходзіцца помнік археалогіі "Культавыя валуны з круглымі лункамі".







Па-праўдзе кажучы, крэпка тых лунак я не заўважыў, але ж я і не археолаг (ці геолаг))). Помник абазначаны, звесткі таксама ёсць. Пра возера Вулла (Улла) калі пагугліць, то зноскі трапляюцца.

[Александр Dehty]

Дапаўненне пра капліцу ў Івашынавічах (сёння адзваніліся мясцовыя): дата пабудовы - 1938 год. Гэта інфармацыя згодна запісу ў самой капліцы.

[GlobusBelarusi]

Вялікі дзякуй, абавязкова дадам.

[GlobusBelarusi]

[GlobusBelarusi]

Большасць аб'ектаў дадаў, дзякуй.
Гл. http://globustut.by/ivashinovi/ , http://globustut.by/leonovichi/ , http://globustut.by/korekovcy/ , http://globustut.by/cincevichi/

[GlobusBelarusi]

Як падпісаць аўтара?

[Александр Dehty]

Добрага вечара! Выбачайце за цішыню - водпуск... . Дзякую, што мае дапаўненні спатрэбіліся.
---------------------------------------------------------------------------------------------------------------------

[GlobusBelarusi]

Дзякуй.