Форум сайта «Глобус Беларуси»

[Александр Dehty]

Вёска Гняздзілава, у 2-х кілометрах ад трасы Докшыцы-Вілейка, яшчэ на тэррыторыі Докшыцкага раёна. Вядомая з XIV стагоддзя. Уладальнікамі былі розныя фаміліі, апошнімі на пачатку XX стагоддзя - род Слатвінскіх.
Апошні раз падвозіў жанчыну з дачкой і ў размове пачуў пра рэшткі панскага двора. "Але калі вы чорны капацель, то там ужо ўсё перакапана... ". Да капальніцтва справа яшчэ не дайшла , а фотаапарат апошні час заўжды побач. Таму пакажу, што ўбачыў.
Яшчэ з дарогі вылучаецца край вёскі, падобны на стары парк:


На ўваходзе думка падтрымліваецца моцнымі дрэвамі й асаблівымі елкамі.





Гаспадарчыя пабудовы падмацоўваюць карціну былой сядзібы. На жаль, як і паўсюдна, тут таксама усё занядбана і аддадзена на волю лёса й моц навакольнага асяроддзя.





Капліцка, як дыссананас, зразумела прыцягнула ўвагу сваёй дагледжаннасцю.





Пакуль аглядаў праз акенца ў падмурку змесціва склепа,



слых разабраў ледзь чутнае мармытанне... . "Опаньки! " Дык тут вячэрню служаць! І сапраўды прыгледзеў ля дзвярэй нечыю ляску, пэўна немаладога чалавека.



А спачатку месца здалося цалкам закінутым. Ну то і добра, што ёсць подых жыцця!

З другога боку капліцы - помнік:





і яшчэ капліцка:



Зноў нешта гаспадарчае:







І зноў вока шукае ракурс для прыгожага аб'екту:





І яшчэ адзін прадстаўнік былых часоў на выхадзе з парку:



І на выезд, уздоўж маленькага возера (ці панскай сажалкі?).

[GlobusBelarusi]

Дадаў некаторыя здымкі на "Глобус", дзякуй.

[Александр Dehty]

GlobusBelarusi, заўжды прыемна калі магу дапамагчы, дзякую і Вам.
У той жа вечар заехаў ў Вялікую Сэрвач (далей па дарозе), дадам пазней.

[GlobusBelarusi]

Добра.