Форум сайта «Глобус Беларуси»

[Зміцер Траскоўскі]

в. Макараўка [=ok]
1,5 км на поўнач ад станцыі Хлюсціна, 500 м на захад ад дарогі Макараўка (ст. Хлюсціна) - Люткоўшчына. Арыентыр - указальнік мяжы Аршанскага і Дубровенскага раёнаў.
Пагорак, на якім было даўняе селішча, магчыма, пазней могілкі.
На самай высокай кропцы пагорка - вялізны валун (культавы?), вакол каменныя крыжы.
Месца
http://orda.of.by/.map/?54.622989,30.539795&m=gm/16,visicom/11,e/12,3v/13

Фота 2007, 2013 гг.

[Лёха]

Зміцер Траскоўскі

Перакінуў паведамленне пра нямецкія ўмацаванні ў адпаведную тэму:
https://fgb.by/viewtopic.php?t=1424&start=0&postdays=0&postorder=asc&highlight=

Толькі гэта ня ДАКі, а назіральныя пункты. Падобныя былі таксама пад Магілёвам:
https://fgb.by/viewtopic.php?t=4489

[Зміцер Траскоўскі]

Шаноўныя, праз колькі дзён будзе працяг.
Усім дабранач!

[Зміцер Траскоўскі]

Лёха, дзякуй, буду ведаць!

[GlobusBelarusi]

Вельмi цiкава, дзякуй.
Абавязкова дадам тое-сёе на Глобус.

[Зміцер Траскоўскі]

в. Ланенкі, Дубровенскі раён
Асноўныя фота ёсць на сайце Глобуса.
Знутры на арках бачны рэшткі жывапісу
Фота 2007 г., Зміцер Траскоўскі

[Зміцер Траскоўскі]

в. Чэркасава, Аршанскі раён
Адно з самых вядомых і вывучаных гарадзішч на Аршаншчыне. Яго вывучэнне пачалося з канца 19 ст.
Гарадзішча на паўночным ускрайку вёскі на мысавым выступе рэчкі Пачаліца, пад гарадзішчам зроблена запруда. Пляцоўка гарадзішча акружана па перыметры земляным валам. Месца надзвычай маляўнічае і натхняльнае.
Сам гэты гарадок служыў пагостам для збору даніны кіеўскімі князямі з навакольных земляў.
На жаль, фота гарадзішча ня маю.
Месца
http://orda.of.by/.map/?54.602604,30.268152&m=gm/17,visicom/11,e/13,3v/13

1,5 км ад вёскі Чэркасава, бліжэй да в. Багрынава, абапал закінутай лясной дарогі знаходзіцца курганны могільнік - 136 насыпаў вышынёй да 5 метраў.
Месца
http://orda.of.by/.map/?54.58888,30.289781&m=gm/17,visicom/11,e/13,3v/13

[Зміцер Траскоўскі]

в. Гадавічы, Аршанскі раён
Бункер (Гітлера?), ці штаб генерала Гудзерыяна
Са слоў дырэктара Аршанскага цэнтра турызма і краязнаўства, Сяргея Іванавіча Гвоздзева, падчас вайны тут была пабудаваная стаўка генерала Гудзерыяна, магчыма і для фюрэра, на выпадак яго візіта ў гэтыя краі. Будаўніцтва вялося ў поўнай сакрэтнасці. Ці быў там сам Гітлер - невядома.
Са слоў Сяргея Іванавіча, у лесе да апошняга часу шмат дроту, праглядваюцца розныя бетонныя збудаванні.
Адно з іх побач з дарогай.
вось цікавая спасылка - http://news.21.by/society/2013/07/31/799949.html
Месца
http://orda.of.by/.map/?54.584456,30.357651&m=gm/17,visicom/11,e/13,3v/13

Фота мае толькі такія ёсць






вось тут яшчэ фота
https://geolocation.ws/v/P/97887541/-/en

[Зміцер Траскоўскі]

Працяг будзе

[Лёха]

[Зміцер Траскоўскі]

[Зміцер Траскоўскі]

Орша
Яшчэ некалькі бетонных ваенных збудаванняў знаходзяцца тут:
http://orda.of.by/.map/?54.476977,30.405545&m=gm/15,visicom/11,e/13,3v/13
у лесе побач з чыгуначнай веткай на Крычаў і далей на Унечу
Па некаторых звестках, гэтыя доты уходзяць пад зямлю на тры паверхі.
Прызначэнне гэтых дотаў - абарона чыгуначнага моста праз Дняпро
Трохі фота

[Д. �вченко]

Я уже более месяца потихоньку читаю эту книгу, настанет лето покатаюсь по тем местам. Шинкевич - молодец, всё так хорошо задокументировал и систематезировал в книге. А Вы добавляете новыми фотографиями, которых в книге может и маловато.

[Валацуга]

[Зміцер Траскоўскі]

в. Ларынаўка, Аршанскі раён
Легендарная мясцовасць на левым беразе Дняпра, урочышча Чэрціца, Купа, дзе сканцэнтраваны цікавыя помнікі даўніны - селішча, курганны могільнік, пячоры манахаў-адшэльнікаў, магчымае паганскае капішча з камянём ахвярнікам і крыніцай.
Гэта знаходзіцца тут:



Шмат інфармацыі аб гэтым месцы ў вышэйзгаданай кнізе А. М. Шынкевіча.

Вось схема, якую ён склаў:



Прагуляцца па гэтай мясціне - адно задавальненне. Абрывістыя горы-берагі, зрэзаныя глыбокімі ярамі, стогадовыя дубы і ліпы.
А выгляд старых каржакаватых вербаў ля ўрочышча Чэрціца сапраўды наводзіць на думкі аб нейкай нячыстай сіле тут. Прысады гэтых вербаў магчыма існавалі ўздоўж якой-небудзь старой дарогі, альбо павырасталі ля кромкі вады, калі Дняпро меў іншае рэчышча, чым цяпер.











Ці не самае вядомае месца тут - урочышча Купа ці Дубкі. Тут археолагі выявілі стаянку неалітычнага чалавека, а таксама дзіўныя камяні, акуратна выкладзеныя канцэнтрычна. Мяркуюць, што гэта магла быць абсерваторыя, накшталт Стоўнхеджа. Побач з невялікай крынічкай - вялікі камень з паглыбленнем. Мяркуецца, гэта камень-ахвярнік.
Змястоўны артыкул пра капішча ад спадароў-даследвальнікаў НЛА
http://www.ufo-com.net/publications/art-6916-dubki-urochishe-tain-i-otkritii.html

Ахвярнік і камяні знаходзяцца ў кустоўі амаль ля самай кромкі вады, а раскоп неалітычнай стаянкі трохі вышэй па рэльефу ад іх і ўжо на адкрытай пляцоўцы

Месца (магчыма невялікая пагрэшнасць, бо навігатара ня маю)
http://orda.of.by/.map/?54.521176,30.453079&m=yas/17,visicom/11,e/12,3v/13

Хочаце верце, хочаце не, але большасць з фотак, што я там зрабіў, аказаліся размытымі і сапсаванымі)

Камяні:

















Камень-ахвярнік, крынічка















Стромкія схілы ручая Арэхавец, у якіх схаваныя (спадзяюся пакуль) пячоры, у якіх жылі манахі з Куцеенскага манастыра





Лакалізацыя ручая Арэхавец з пячорамі:
http://orda.of.by/.map/?54.516716,30.451362&m=yas/14,visicom/11,e/12,3v/13

Балканская гара (справа)