Форум сайта «Глобус Беларуси»

[Зміцер Траскоўскі]

Вітаю, шаноўныя сябры!
Шматкроць я вандраваў, пешшу і роварам, па землях Верхнягя Падняпроўя, маёй малой радзімы, па Аршанскім, Дубровенскім, Талачынскім і іншых прылягаючых раёнах. Лічу неабходным падзяліцца з Вамі інфармацыяй і здымкамі разнастайных аб'ектаў і помнікаў, якія мне давялося наведаць у гэтым багатым на гісторыю і спадчыну рэгіёне. Каб не паўтарацца, размяшчаю звесткі аб тых аб'ектах, якія адсутнічаюць у спісах Globus.tut.by, ці змяшчаю тыя фотаздымкі, якіх бракуе на асноўным сайце.
Калі Вы заахвочаны ў сумесных вандраваннях і вывучэнні Аршаншчыны, звязвайцеся са мной тут ці на пошту (dzmitrytravel@gmail.com), буду рады знаёмству.

[Зміцер Траскоўскі]

Вельмі добрая кніга па вывучэнні Аршаншчыны "Очерки о земле оршанской" аршанскага краязнаўцы А.Н. Шынкевіча.
спасылка для свабоднага пампавання - http://book-old.ru/BookLibrary/23000-Mogilevskaya-gub/2013.-Ocherki-o-zemle-Orshanskoy.html
Вялікі дзякуй Аляксанду Мікалаевічу за бязмежную любоў да роднага краю і тытанічную працу па яго вывучэнню.

[Зміцер Траскоўскі]

Берасценава, Аршанскі раён.
Сядзіба 18-19 ст. у цэнтры вёскі.
Захавалася сядзібныя будынкі, гаспадарчыя пабудовы, вялікі стары дуб насупраць галоўнага ўваходу ў сядзібу. У будынках добра захаваліся падвалы са скляпеністым перакрыццём.
Ваколіцы Берасценава даволі маляўнічыя - алеі старых дрэваў, відаць, з часоў сядзібы, узгорыстая мясцовасць, некалькі вялізных і глыбокіх яраў, па краям якіх захаваліся магутныя старажытныя дубы, рэшткі старой дарогі Кудаева - Берасценава.

Малюнак Напалеона Орды, 1877 г.



фота Зміцер Траскоўскі:

Сядзібныя дамы, 2006 г.





Скляпенні, фота Аляксанр Гарбацэвіч, 2013 г.



Гаспадарчая пабудова, 2006 г.



Дуб. 2006, 2014 гг.

[Зміцер Траскоўскі]

Берасценава, Аршанскі раён
На тэрыторыі дачнага пасёлка ёсць культавая крыніца на беразе Дняпра, насупраць невялікага вострава. Ля крыніцы ў вадзе ляжыць вялізныя валуна, па меркаванні А. М. Шынкевіча - культавыя (магчымае месца паганскага капішча?). Групы камянёў йсць і побач у пойме Дняпра
Месцазнаходжанне:
http://orda.of.by/.map/?54.542514,30.577862&m=1v/7,gm/17,visicom/9,e/13&poi=gb/h

[Зміцер Траскоўскі]

Андрэеўшчына, Прыдняпроўе
Доты часоў Айчыннай вайны на Кабыляцкай гары. Доты абаранялі мост праз Дняпро. Сама Кабыляцкая гара скапаная акопамі, што месцамі добра захаваліся. Доты - частка глабальнай сістэмы абароны "Усходні вал" (Ostwall), што была створана немцамі ў 1943 г. па лініі р. Нарва - Пскоў - Орша - Сож - р. Малочная (Запарожжа).
Фота 2014 г.
Дот 1.
Насупраць гэтага доту, праз аўтамабільную дарогу, на працягу гары, якая рассечана дарогай, размешчаны яшчэ адзін такіж самы дот.
месца (прыблізна)
http://orda.of.by/.map/?54.548681,30.46301&m=1v/7,gm/16,visicom/9,e/13&poi=gb/h





Від з дота 1 на трасу Е95 (Санкт-Пецярбург - Віцебск - Гомель - Адэса)




Дот 2
месца (прыблізна). Для арыентыроўкі - дот 2 знаходзіцца ў бярозавым лесе, ў метрах 50 ад кромкі поля

http://orda.of.by/.map/?54.55643,30.479974&m=gm/17,yas/15,visicom/11,e/13&poi=gb/h

[Зміцер Траскоўскі]

вёска Прыдняпроўе (былая Кабылякі)
Кабыляцкая гара, Зыкава гара (тапонім 16 ст.). Знаходзіцца ўздоўж вёскі Прыдняпроўе над Дняпром.
Надзвычай маляўнічыя ландшафты - стромкія схілы-абрывы над Дняпром, перасечаныя глыбачэннымі ярамі, лашчынамі, парослыя кустоўем і бярозамі.
Сама гара - гэта града, складзеная трывалымі вапнякамі. Рака Дняпро, што дагэтуль цякла на захад, не змагла прабіцца праз гару і крута змяняе ў гэтам месцы свой напрамак, пачынаючы бегчы строга на поўдзень, да Чорнага мора. На дне Дняпра тут ствараюцца парогі, небяспечныя для суднаходства.

[Зміцер Траскоўскі]

Вялікая Міцькаўшчына, Аршанскі раён
Земляныя ўмацаванні 16-17 ст.
Таямнічы помнік замкавага будаўніцтва. Калісьці тут быў драўляны замак, акружаны валамі, рвамі, з бастыёнамі па кутах прамавугольнай тэрыторыі. Хто і калі яго будаваў, з якой прычыны, хто тут жыў і абараняўся ад усходняга ворага, чаму перастала існаваць крэпасць - дасёння невядома...
Захаваліся валы, бастыёны, бачнае месца ўезду на замкавую тэрыторыю.
Фота 2006, 2013 гг.

[Зміцер Траскоўскі]

в. Гараны, Аршанскі раён
Гарадзішча ў цэнтры вёскі, акружана валам.
На тэрыторыі гарадзішча былі могілкі, захаваліся каменныя крыжы, якія ўраслі ў зямлю.
Месца
http://orda.of.by/.map/?54.446304,30.669649&m=gm/17,yas/15,visicom/11,e/13&poi=gb/h
Фота 2007 г.

[Зміцер Траскоўскі]

в. Барадзіно, Аршанскі раён
Культавая крыніца на беразе ракі Пачаліцы, ля маста
Месца
http://orda.of.by/.map/?54.560575,30.358617&m=gm/15,visicom/11,e/13,3v/13

Фота 2007 г.

[Зміцер Траскоўскі]

в. Рагозіна, Аршанскі раён
Ля вёскі захавалася гарадзішча, на якім два часткова схаваныя ў зямлю каменных крыжа.
Месца
http://orda.of.by/.map/?54.64941,30.519957&m=gm/17,visicom/11,e/13,3v/13
Фота 2007 г.

[Зміцер Траскоўскі]

в. Рагозіна, Аршанскі раён
На паўночнай ускраіне вёскі на пагорку захаваўся старажытны могільнік з вялікай колькасцю разнастайных каменных крыжоў. Побач з могільнікам - дзеючыя могілкі.
Месца
http://orda.of.by/.map/?54.654798,30.516481&m=gm/15,visicom/11,e/13,3v/13

[Зміцер Траскоўскі]

в. Солаўе, Аршанскі раён
Царква Святой Троіцы (згодна са Спісам мясцовасцей, якія адносіліся да прыходу царквы ў 1910 годзе, названая імем Святых Канстанціна і Алены), 1858 г.
Фота 2006 г.

[Валацуга]

Бадай, гэта самая цікавая тэма, якая з'явілася апошнім часам на форуме. Дзякуй, вельмі цікава.

[Зміцер Траскоўскі]

в. Барадзіно, Аршанскі раён
Мысавае гарадзішча паміж двума ярамі ва ўрочышчы Гарадзец, рэшткі равоў і валоў
Месца:
http://orda.of.by/.map/?54.56575,30.345399&m=gm/15,visicom/11,e/13,3v/13

[Зміцер Траскоўскі]

Паміж Арэхаўскам і в. Лісоўскія (Аршанскі раён), між азёрамі Карэсіна і Перавалачнае, на могілках знаходзіцца каменны крыж. Побач - месца былога хутара Пляханы (фруктовыя дрэвы).
Месца
http://orda.of.by/.map/?54.735977,30.473845&m=gm/15,visicom/11,e/13,3v/13







Тут жа, па берагах азёр Арэхаўскае, Перавалачнае, знаходзіцца адна з найбуйнейшых курганных груп у краіне і налічваецца больш за сотню курганоў-валатовак розных памераў.
Месца, шчыра кажучы, таямнічае і хвалюючае - у дрымучых лясах, па берагах азёр параскіданы старажытнейшыя курганы, у якіх спяць далёкія нашыя продкі, звычайныя людзі і воіны, старэйшыны плямёнаў і міфічныя волаты-асілкі. Маляўнічасць і запаветнасць гэтым мясцінам надаюць велічэзныя дубы, што сустракаюцца ў лясах і на прыбярэжных палянах, якія з'яўляюцца продкамі тых дубоў, якім пакланяліся тыя людзі. У тых мясцінах проста трэба пабываць, каб адчуць подых сівой даўніны...






Некаторыя месцы размяшчэння курганоў:
http://orda.of.by/.map/?54.72933,30.46951&m=gm/15,visicom/11,e/13,3v/13
http://orda.of.by/.map/?54.72401,30.47583&m=gm/16,visicom/11,e/13,3v/13