Форум сайта «Глобус Беларуси»

[yauhen.herasimenka]

У Наваельні. На ўскраіне мястэчка, а менавіта на самай паўднёвай ускраіне яго, размяшчаецца велічны-велічны лес, дзе ўласна мястэчка крайнімі вуліцамі і сустракаецца з ім, і менавіта на самай ускраіне адной з вуліц, сярод хваёвых дрэў размяшчаюцца кінутыя могілкі.. Самыя сапраўдныя могілкі, вось толькі там няма ні кветак, ні сцяжынак, ні сыходу.. там проста лес сярод якога стаяць каменныя помнікі, тырчаць крыжы і месцамі груды, нібы калісьці зямлю гэту паперакопвалі.

А што самае цікавае, так гэта тое, што такімі могілкі былі заўсёды: і ў часы майго дзяцінства, і падчас школы, і цяпер, г.зн. месца мала каго цікавіла і цікавіць, хіба што толькі аматараў што-небудзь знайсці і неяк нажывіцца, фінансава напрыклад, ці можа быць нават абмяняць на бутэльку, але да шчасця, мясцовыя гурманы спіртнога не захапляюцца гэтак грэшнымі справамі, і не фанацеюць раскопкамі і збываннем крыжоў, хоць раней металічных "упрыгожванняў" там было значна больш... можа я чаго не ведаю..

Што датычна самага месца, дык яно знаходзіцца на ўзвышшы, адносна вуліцы і ў самым месцы ў цэнтры, так нібы нейкі груд, можна судзіць, што могілкі былі на гары, ведаю, што раней часта любілі рабіць месцы пахаванняў на ўзвышшы.. На самым гэтым месцы растуць высокія і ўжо не маладыя хвоі, што кажа пра даўнасць гэтага месца, не старажытнасць, але даўнасць.. Сярод хвой сустракаюцца клёны і па краях хмызнякі дэкаратыўнага рабінніку.

Сам я нічога не ведаю пра гэтыя могілкі і нават не ведаю, дзе пра іх пачытаць ці знайсці нейкую інфармацыю.

Магчыма яны звычайныя, проста закінутыя і забытыя, але хіба можна, каб месца пахавання людзей вось так забывалася і спрэс зарастала кустамі, без нейкіх успамінаў ці згадванняў? Вось я і вырашыў трохі распавесці пра яго і паказаць некалькі здымкаў. Тым больш з боку дарогі і вуліцы практычна нічога не відаць, а некаторыя мясцовыя жыхары прымудраюцца туды яшчэ і смецце скідаць.

Адразу я вырашыў, што могілкі габрэйскія, бо не змог разабраць напісанае на камянях, але потым убачыў крыжы і яшчэ нейкія металічныя штукі, у якіх мае спазнанні слабыя.. так што я не ведаю, да якога тыпу ці рэлігіі прыпісаць гэтыя камяні, праскочыла думка, што тут яны змяшаныя...







Астатнія здымкі і трохі тэксту, глядзім тут: http://yauhenk.livejournal.com/13234.html не стаў ужо ўсё капіяваць.

Калі глядзець на карту Глобус Беларусі, то можна ўбачыць значок, які кажа пра тое, што могілкі там сапраўды было і ёсць, засталося пазнаць, ці носіць яно нейкі важны гістарычных характар
http://orda.of.by/.map/?53.451542,25.58246&m=gm/17,visicom/16,e/14,wig/14

[/img]

[GlobusBelarusi]

[yauhen.herasimenka]

[GlobusBelarusi]