Форум сайта «Глобус Беларуси»

[Валацуга]

У гэтым будынку па Vilniaus, 10 цяжка западозрыць "беларускі след". Тым не менш тут месцілася бібліятэка "Веды" і знаходзілася кватэра Луцкевічаў - цэнтр беларускага Адраджэння. Будынак моцна перабудаваны ў 1960-е



Далей, па Vilniaus, 14, з 1914 па 1915 годы размяшчалася рэдакцыя "Нашай нівы". На будынку шыльда Купалу, які і жыў тут пры рэдакцыі. Уваходзіць патрэбна ў двор праз браму, але ў той дзень яна была зачыненая.









Vilniaus, 37. У кватэры нумар 4 жыў Браніслаў Тарашкевіч з 1923 па 1926 год. Таксама тут атайбаваліся Антон Грыневіч і Язэп Драздовіч.

[Валацуга]

Любімы бар Караткевіча "Bociu" па ?v. Ignoto, 4. Праўда, сёння тут ужо іншая і даволі дарагая ўстанова "грамадскага харчавання"

[Валацуга]

Vilniaus, 41. Палац Радзівілаў. Беларускі банк. Разнастайныя рэдакцыі. У другой палове 1920-ых тут жыў Антон Луцкевіч.

[Валацуга]

Vilniaus, 39. Клуб "Сокал". Тут адбылася прэм'ера "Паўлінкі" ў прысутнасці аўтара п'есы.

[Валацуга]

Pylimo, 20. Дом кампазітара Галкоўскага

[Валацуга]

Pylimo, 9. Дом Зыгмунта Нагродскага. Штотыдзень тут гасціў сябра Зыгмунта - Францішак... Багушэвіч...

[Валацуга]

Беларуская Мекка...



Так рамантычна і без усялякіх ксенафобскіх замашак часта называюць гэтае месца. Дарэчы, пра Мекку. Перад брамай вісіці мемарыяльная шыльда чалавеку, які якраз пабываў у Мекке - Якубу Шынкевічу, заснавальнік Саюза татарскай моладзі Беларусі і Літвы.



У самой браме знаходзіцца мемарыяльная шыльда Ігнату Дамейку



Кажуць, ён здымаў тут пакой (праўда, такую гісторыю я чуў і пра Гарэцкага, і пра Шырму).





У двары - Траецкая царква. Самае беларускае месца Вільні сёння рэкламуецца як самае ўкраінскае - царква належыць украінскім уніятам. Тут быў пастрыжаны ў манахі Язафат Кунцэвіч. А наогул, царква была пабудавана Астрожскім у гонар перамогі пад Воршай.











У кляштарах месціліся Беларускі музей, заснаваны Ластоўскім, і Віленская беларуская гімназія, пра што сёння сведчаць тры мемарыяльныя шыльды - дырэктару, настаўніку і вучаніцы.

[Валацуга]

Падышоў час паставіць кропку ў гэтым падарожжы і праспяваць гімн Вільні. Німа лепшага месца зрабіць гэта, як на плошчы Вінцаса Кудзіркаса - аўтара дзяржаўнага гімна Літвы. Тым больш, што на плошчы ў будынку нумар 3 размяшчалась фотаатэлье чалавека, да спадчыны якога на гэтым форуме звярталіся не раз...

[Валацуга]

Гэта хіба толькі палова з таго, што мы хацелі пабачыць у Вільні за гэтыя два дні. Праўда, гэта былі самыя кароткія два дні, якія толькі маглі быць...
Ёсць адчуванне, што тут пракраліся памылкі, або якія цікавыя факты выслізнулі з увагі. Таму буду рады, калі хто паможа падправіць, дапоўніць і направіць. Перспектывы вяртання ў Вільню даволі туманныя, як Вільнюская тэлевежа, але яны ёсць. Дзякуй.

[GlobusBelarusi]

[GlobusBelarusi]

[GlobusBelarusi]

Клас.

[Д. �вченко]

[Валацуга]

[Валацуга]