Форум сайта «Глобус Беларуси»

[Zmicier]

Спецаб'ект палігон "Камунарка", што знаходзіцца на 24-м кіламетры Калужскай шашы (на поўдзень ад Масквы), вядомы як месца масавых растрэлаў і пахаванняў у перыяд з 1937 г. па 1941 г. Утвораны на месцы лецішча Ягоды (захавалася) ў верасні 1937 г. неўзабаве пасля яго арышту.

Чаму такія аб'екты называліся палігонамі (палігон "Камунарка", Бутаўскі палігон і г.д.)? Найбольш жорсткія рэпрэсіі пачаліся са жніўня 1937 г. Рыхтуючыся да іх, ужо ў ліпені аддзелы НКВД па усёй краіны пачалі выдзяляць спецыяльныя "зоны" - тэрыторыі для масавых пахаванняў растрэляных. Для мясцовых жыхароў яны "легендзіравалісь" як вайсковыя стралковыя палігоны. Сумнавядомыя Курапаты таксама з'яўляюцца прыкладам такой "зоны".

Адметнасць месца, калі так можна сказаць, - вельмі высокі адсотак прадстаўнікоў савецкай эліты. З найбольш вядомых: Бухарын, Рыкаў, Дыбенка, Петэрс і г.д. Але першапачаткова аб'ект узнік як тайнае месца для пахаванняў (і, мабыць, растрэлаў) менавіта рэпрэсаваных супрацоўнікаў НКВД. "Дачу Ягоды - чекистам" - менавіта такі запіс захаваўся ў нататніку Яжова, куды ён заносіў загады Сталіна.

На сённяшні дзень вядомыя імёны прыкладна 6500 асобаў, што былі тут забітыя і пахаваныя. Па некаторых звестках лічба можа сягаць 14 тыс.

Сярод растраляных нямала і замежных грамадзянаў - 60 нацыянальнасцей з 11 краін. Сярод іх палітычныя і грамадскія дзеячы Літвы, Латвіі і Эстоніі, лідары Камінтэрна, прадстаўнікі камуністычнага руху замежных краінаў і, нават, вышэйшае кіраўніцтва Манголіі, якое было тут знішчана ў ліпені 1941 г. (кіраўнік ураду Манголіі з 1936 г. А.Амар разам з 28 бліжэйшымі супрацоўнікамі).

Большасць ахвяраў рэпрэсій былі асуджаныя вышэйшым органам савецкай вайсковай юстыцыі - Ваеннай калегіяй Вярхоўнага суда СССР.

Апошняя задакументаваная дата растрэлаў - трагічны для Масквы дзень 16 кастрычніка 1941 г.

Вясной 1999 г. тэрыторыя растрэльнага палігона у "Камунарцы" была перададзеная ад ФСБ РПЦ. У 2007 г. побач з будынкам лецішча Ягоды адчынена царква.

увеличить до 1200x800

увеличить до 1200x800

увеличить до 1200x800

увеличить до 1200x800

увеличить до 1200x800

увеличить до 800x1200

увеличить до 1200x800

увеличить до 1200x800

увеличить до 800x1200

увеличить до 800x1200

увеличить до 1200x800

увеличить до 1200x800

увеличить до 1200x800

увеличить до 800x1200

увеличить до 1200x800

увеличить до 1200x800

увеличить до 1200x800

увеличить до 800x1200

увеличить до 1200x800

увеличить до 1200x800

[Александр Dehty]

Zmicier, дзякуй. Мяркую, што і ў сучаснай Расіі мала хто ведае пра такія "палігоны". Звычайна гэта нейкае абстрактнае месца - "сібір".

[Zmicier]