Форум сайта «Глобус Беларуси»

[alexBel]

У той дзень мой настрой быў ніжэй за плінтус і мне б адкласці паездку, але я думаў: "Я ж кожны раз лянуюся, кожны раз думаю адкласці, а потым усё выходзіць файна. Паехалі! Адпачнем, новыя мястэчкі паглядзім, фотак добрых наробім." І я паддаўся ...
Сядзібны комплекс Булгакаў "Добасна" знаходзіцца ў Кіраўскім раёне ў вёсцы Жылічы за 100 км. ад Магілёва, пры гэтым дзесьці ў 20 км. ад больш-менш прыстойнай трасы Бабруйск - Магілёў.
Так-так, гэта я ўжо пазней падумаў, што трэба было з боку трасы Бабруйск - Рагачоў пад'язджаць. Карацей, к таму часу, калі мы ўехалі ў Жылічы, мы ўжо добра нагойдаліся на пабітых вясковых дарогах Кіраўшчыны і нагледзіліся прыгнятальных пейзажаў ранняй Беларускай вясны ў пахмурнае надвор'е.



Палац быў пабудаваны ў 1830-х гг. у класіцыстычным (угу, у маім "самым любым") стылі. Парадны ўваход ўпрыгожвае шасцікалонны порцік з шыкоўнай лепкай на франтоне, у цэнтры якой знаходзіўся картуш з фамільным гербам. (картуш есць, а герб згубілі…)



Уваходы ў бакавыя крылы аформленыя чатырохкалоннымі порцікамі.



Палац першапачаткова быў "П"-вобразным ў плане з вежай насупраць галоўнага ўваходу, аднак пазней да старой часткі з тыльнага боку былі прыбудаваны карпусы, якія замкнулі ўнутраны дворык. У паўднёвым корпусе мясцілася аранжарэя (гэты корпус чамусьці быў разабраны немцамі падчас 2-й сусветнай вайны) ...



... А ў паўночным была хатняя капліца (выступае ў дворык паўкруглай апсідай). На франтоне капліцы захавалася "Ўсёвідушчае вока", некаторыя разгледзелі ў гэтым "масонства" Булгакаў, асабіста я веру ў традыцыйную версію, якая сцвярджае, што гаспадар пажадаў адлюстраваць вока Гасподня, якое "ўсё бачыць".



Зараз у палацы размешчана школа мастацтваў, бібліятэка і музей. Я вельмі рваўся паглядзець і адздымаць цудам захаваную ляпніну ў старой частцы палаца (адмыслова для гэтага нават штатыў прыхапіў), аднак у музеі мяне расчаравалі. Старая частка зачынена на рэстаўрацыю, музейныя экспазіцыі часова перанесены ў адноўленыя карпусы.
У яшчэ больш падушаным стане я адздымаў палац звонку (фатаграфіі атрымаліся ніякія, праўда?) І мы накіраваліся ў Красны бераг.
Па дарозе захапіў у кадр драўляную Траецкую царкву XIX стагоддзя ў вёсцы «Дварэц»



Менавіта «Красны бераг», а не «Чырвоны бераг», таму што назва звязана з уяўленнямі ня аб кастрычніцкай рэвалюцыі, камунізму і пралетарыяце, а з тым, што на думку першых жыхароў месцы тут прыгожыя.
У XIX стагоддзі гэта «прыгожае месца» набыў генерал-лейтэнант Гатоўскі і аддаў сваёй дачцэ, якая пазней выйшла замуж за знакамітага прадпрымальніка Вікенція Козел - Паклеўскага. У 1890-х гадах па загадзе уладальнікаў тут пачынаюць узводзіць палац у мадэрнавым стылі.



Ён мае асіметрычную планіроўку з мноствам кантаваных эркераў, упрыгожаных шатровым дахам, а галоўны ўваход накрыты тэрасай на масіўных пілонах.



тыльны фасад



паўднёвы корпус



У афармленні вонкавых сцен палаца выкарыстаны даволі ткі цікавыя матывы. Ваконныя праёмы знізу ўпрыгожаны разеткамі



Вадазлівы тэрасы выкананы ў выглядзе хімер



А над тэрасай (над галоўным уваходам), як заўсёды, красуецца картуш з гербам.



Палац Козел-Паклеўскіх валодае не менш шыкоўным інтэр'ерам, чым палац Булгакаў, аднак ўсярэдзіну “Краснабярэжнага” палаца я нават і не спадзяваўся трапіць, рэстаўрацыя там ідзе ўжо вельмі даўно і пра тое, каб валацугі накшталт мяне пападалі ўнутр, я не чуў.
Флігель для прыслугі.



РњСѓР·Р° так С– РЅРµ прыйшла РґР° РјСЏРЅРµ Сћ С…РѕРґР·Рµ гэтай вандроўкі, СЏ быў ​​стомлены, змораны С– без настрою. Непрыемнасць Сѓ Жылічах С– цьмяныя вясновыя пейзажы без сонца Р·Р° акном завяршылі карціну ўнутранай апатыі С– зрабілі гэта падарожжа панурым.

Аднак, адкрыццё сезона 2014 адбылося! Не будзем завастраць увагу на няўдачы і паддавацца дрэннаму надвор'ю, наперадзе яшчэ столькі цікавага! Будзем лічыць, што гэта быў «першы блін», а ён, як вядома, "камяком")))

http://ales-matsesha.livejournal.com/3976.html

[Алекс Сталь]

alexBel

Краснобережный дворец шикарен.
А грустить из-за погоды совсем не стоит.
Утешайте себя тем,что у других она такая же.

[alexBel]

[Корица]

Дааа,что один дворец,что второй впечатляют!
Поскорее бы реставрацию закончили.

alexBel
даже несмотря на пасмурную погоду,фото отличные!

[alexBel]

[Misslyn]

Негледзячы нават на тое што надвор*е было зусим не сонечным-снимки атрымалися цикавыми и дабротными. Вельми спадабалася! Дзякуй!

[Владислав Ф.]

Ну вот, наконец alexbel не поленился и выложил полноценный репортаж, а не ленивую ссылку на ЖЖ :). Вот лично мне пасмурная погода больше солнечной нравится. А самое первое фото нравится особенно. Я бы даже название предложил - Осенняя весна.

[alexBel]

[Корица]

[kziz]

Очень красивый репортаж, спасибо!

[alexBel]

kziz
Дзякуй :D

[К�НДУС]

Дзякуй.
Цiкава й прыгожа.
У Жылiчах - лянiва-правiнцыяльнае, у Красным Беразе - вясёла-казачнае.
Вось хацеу жа зазiрнуць па дарозе з Гомеля, але не пашчасцiла.

[alexBel]