Форум сайта «Глобус Беларуси»

[В. Сцяпанаў]

Ураджэнец Воршы, мастак Мікола Купава выставіў на продаж шэраг сваіх твораў, каб уратаваць помнік архітэктуры - 65% ад выручаных сродкаў ён пераводзіць на дабрачынны рахунак, адчынены адмыслова для фінансавання рэстаўрацыі і адбудовы Базыльянскага кляштара. Некалькі год гэты помнік беларускага барока стаіць без даху і паступова разбураецца...
Відэа-зварот Міколы Купавы, кліп з твораў, выстаўленых на продаж (на песню Зміцера Вайцюшкевіча "Дзе мой край?"):
http://youtu.be/wW51z7aK0Qo

[Лёха]

Як бы гэтыя грошы на лексусы не пайшлі, збудаваць нейкі сарай з макавіцай праваслаўныя там змаглі, і грошы знайшлі, а вось банальна закансерваваць будынак чамусьці грошай няма.

[В. Сцяпанаў]

Горшага баімося: што каб не чакалі адмыслова поўнага разбурэння, каб на гэтым месцы распачаць ужо новае будаўніцтва (а гэта ўжо іншыя і грошы, і адкаты:)) -- вунь Ігар Цішкін кажа, што як адбудоўвалі Уваскрэшанскую царкву ў Віцебску, то нават падмуркі выкапалі:( -- маўляў, каб і духу вуніцкага не засталося:)
Нам бы сабраць мільёнаў трыццаць-сорак на дах ды на кансервацыю, а там можа і пастаяць да лепшых часоў.

[Лёха]

Віктар Сцяпанаў

Кім адчынены рахунк, і хто будзе ладзіць працы?

[В. Сцяпанаў]

Ролік завяршаецца дадзенымі рахунка, ён адкрыты на прыход. Распараджаецца ім матушка Данііла, асоба якой выклікае поўны давер у любога, хто з ёй знаёмы. Яна ўжо саматугам назбірала на гэтым рахунку 12 мільёнаў. Яна ж здолела знайсці сродкі на тое, каб хаця б часткова, фактычна з падручных матэрыялаў, зрабіць часовы дах над часткаю будынка -- там, дзе захаваліся перакрыцці, яна кажа. Яна ахвотна падтрымлівае гаворку па-беларуску, і нават была прапанавала ладзіць гутаркі па-беларуску ў пабудаванай побач з кляштаром невялікай царкве, але потым дзеля вырашэнне моўных пытанняў ёй было сказана накіроўваць усіх ахвотных да беларускай мовы да віцебскага япіскапа:). Каб ўсё і далей залежала толькі ад яе, адносна лёсу будынка ў мяне б не было асаблівых сумневаў (калі толькі прыйшла на гэтае месца, яна, паводле яе словаў, дабілася, каб праект рабіўся з захаваннем аутэнтычных рысаў будынка). Яна ж запланавала стварэнне ў адрэстаўраваным будынку, разам з прытулкам, і музея.
Праэкт нібыта ўжо блізкі да завяршэння, ягоны кошт складае 150 мільёнаў, 50 з іх заплаціў спонсар, якога знайшла матушка Данііла. Крыху болей пра праэкт тут: http://news.vitebsk.cc/2013/03/04/vitsebskay-eparhii-bpts-rekamendavali-adshukats-groshyi-na-kanservatsyiyu-budyinka-byiloga-manastyira-bazyilyan-u-orshyi/
Таксама рэгулярна навіны пра гэта помнік публікуюць два аршанскія рэсурсы: orshatut.by і orsha.eu
Калі гатовы праект пройдзе дзяржаўную экспертызу, дзяржава можа выдзеліць пэўную суму на ягоную рэалізацыю-- прынамсі, матушцы было так сказана.
Але, як я пісаў раней, наша самая непасрэдная мэта -- гэта захаванне будынка: дах і належная кансервацыя.

[В. Сцяпанаў]

дарэчы, 3 траўня на сядзібе БНФ (Чарнышэўскага, 3-39) а 18.00 пачнецца аукцыён дзеля продажу экспанаванаванага ў складзе выставы, прысвечанай паўстанню 1863 года, партрэта Каліноўскага. Гэты твор -- з ліку тых, сродкі (65%) ад продажу якіх пойдуць на ратаванне базылянскага кляштару ў Воршы. Чакаем Вашага ўдзелу!