Форум сайта «Глобус Беларуси»

[Валацуга]

1. Птушкі і гнёзды
Па навуковаму гэта называецца - "хомінг"... Па-нашаму, гэта, калі сэрца прырастае да невялічкага куточка зямлі, куды цягне, цягне і цягне... Зараз мы вельмі падобныя з гэтымі бусламі з Ольпеня...

2013


2014


2017


***

[Валацуга]

2. 1863 (?)
Не ўпэўнены, што гэты крыж стаіць на магіле паўстанцаў, якія загінулі пад час бою 23 чэрвеня 1863 года. Месца было адзначана яшчэ на савецкіх картах http://orda.of.by/.map/?51.812244,26.858665&m=gm/17,kdwr/12,e/13,wig/13
Але, калі не ім, то каму?..





А непадалёк, у Месяцічах, яшчэ і сёння можна пабачыць сімвал іх апанентаў...

[Валацуга]

Аналагічны крыж усталяваны на Піншчыне ў вёсцы Бакінічы
http://novychas.by/hramadstva/na_pinshcynie_ushanavali_paust

[Валацуга]

3. Усе мы абавязкова наведваем школу...

Можа памятаеце такі чэхаславацкі серыял? Дык вось, і нашы апошнія вандроўкі нешта неабыходзяцца без наведвання школаў. Апошні раз на Шаркаўшчыне пасыпаліся адна за адной - ля сядзібнага дома ў Ямна, Шкунцікі, Баўкалы...
Гэтым разам наша вандроўка амаль пачалася і амаль скончылася школамі.
Першая школа ў Цельшыне, прабачце, Люсіне. Дакладней і не школа, а месца той школы ў якой у 1902 годзе пачаў сваю педагагічную дзейнасць Якуб Колас, пра што яскрава напісаў у сваёй "У палесскай глушы"





Імя Коласа носіць і мясцовая школа ў якой размешчаны музей пісьменніка, а таксама мемарыяльная шыльда, што нагадвая пра падзеі 115-гадовай адлегласці.





А апошнюю школку вока выхапіла ў вёсцы Ляскавічы Янаўскага раёна. Мясцовыя жыхары падцвердзілі, што ў гэтым будынку за польскім часам месцілася школа, якая пасля ператварылася ў вучэбны камбінат.

[Валацуга]

4. Каменныя гаспадары

Як вядома, глушкавіцкі граніт з'яўляецца надзейным пастаўшчыком каменных крыжоў у гэтым небагатым на камень рэгіёне. Канешне, гэта толькі жарт. Усе яны прыплылі супраць прыпяцкай плыні з Кіева, альбо самі павырасталі з зямлі. Мы спрабавалі іх знайсці ў пяці месцах. Адно месца пакуль што прытрымаю. У другое месца - Пагост, Жыткавіцкага раёна - мы ў гэты раз прыехалі занадта рана: нам параілі прыехаць заўтра, на Сёмуху, калі капліца будзе дакладна адчынена. А вось з пагосцкім земляком у вёсцы Вільча нам пашчасціла болей, бо знаходзіцца ён на мясцовых могілках, а іх, як вядома, ніхто не замыкае.





Людзі дасведчаныя адносяць яго да даволі ранніх (ХІІ-ХІІІ ст.) каменных крыжоў, бо размяшчаецца ён на кургане і ўжо амаль тысячу год прымае сваю ахвяру.



А на Сёмуху мы і сапраўды патрапілі ў капліцу. Але не ў Пагосце, а ў Хатамелі, што на Століншчыне.







І, нарэшце, у пятае месца - на адны з могілак у вёсцы Вялікія Арлы - мы заехалі адмыслова дзеля таго, каб адшукаць гэтую каменную пару.

[Александр Dehty]

Крыжы, ці правільна сказаць аздабленне крыжоў - гэта нешта! Маўчу нема ад уражання... .

[Валацуга]

[Валацуга]

6. Помнік загінуўшым на вайне

Нейк зноў незаслужана абмінулі Цярэблічы. А затрымацца там ёсць дзеля чаго. У вёсцы працуе вядомы разбяр Іван Супрунчык. У яго нават ёсць цэлы музей у вёсцы, прысвечаны яго творчасці. Прамінулі мы і яго работу - драўляную менору ва ўрочышчы Хабішчы ля Альшанаў, дзе ў 1942 годзе былі растраляныя мясцовыя габрэі... Але помнік на выездзе з Цярэбліч абмінуць цяжка.



Выглядае не меньш шчымліва, чым помнік Настассі Купрыянавай і яе сынам...

[Валацуга]

7. Паштовае адступленне

Вёска Сіняўка знаходзіцца на скрыжаванні дарог і з'яўляецца сваеасаблівай брамай да цэнтральнага Палесся. Як і падарожнікі пазамінулага стагоддзя, мы прыпыніліся ля яе паштовай станцыі.

[Валацуга]

8. Новае слова ў беларускай драўлянай архітэктуры

Царква ў Бродніцы ўвабралася ў сайдынг, каб не вылучацца сярод іншых помнікаў драўлянай архітэктуры Янаўскага раёну



Але ўсё гэта адгалоскі мінулага стагоддзя, бо на Століншчыне адшукалі годны адказ перажыткам даўніны - металапрофіль!

Званіца ў Калодным



У мастацкім аздабленні званіцы вёскі Асавая



Яшчэ не так страшна, калі на даху, як у царкве ў Ніжнім Церабежкаве



І зусім цікава, як на цаглянай каплічцы ў Пагосце Жыткавіцкага раёна



Ці на на царкве ў Глінцы на той жа Століншчыне

[РњiС…Р°iР» L.]

Валацуга, не дрэнна было б гэтыя крыжы на ГБ заліць - https://fgb.by/viewtopic.php?p=87468#87468

[Александр Dehty]

[Валацуга]

[Валацуга]

10. Помнік антысавецкаму супраціву, пастаўлены Саветамі

Ёсць і такі ў Дубаях. Калі, канешне, уважліва прыглядзецца...

[Валацуга]

11. Зямля пад белымі крыламі...

Буслоў на Палессі шмат. А без буслоў якое ж Палессе?



Вялемічы



Нават, калі яны ствараюць нейкія праблемы для помнікаў, то ў Альманах знайшлі даволі простае выйсце





Стахава